Hpungtang hpaji ginra景颇科普

Ndung si hkai sha hpaji

种植波罗蜜知识

时间:2020-07-22 16:01:56 来源:德宏团结报

  Hainan mungdo gaba shara shagu na mare masha lo malong ni a nta ko ndung si hpun hkai da gajang ma ai, hpun ndai go la- tsa jan ning rai sai. Hpun tso de go mida 10,20 dang du nga ai. Ndung si hpun go lap ding yang tsit ai bo hpun myu hpan rai nga ai, hpun ndung de go gaja masa grau lo nga ai, la-ma na ndung nkran jang go grai chye galu gaba nga ai, shingrai, namsi di sha na mung loi yak nga ai. namsi si madang mung loi n lo nga ai. Raitim Hainan mayan ko na mare masha ni majoi sha hkai nna shing- wang gaba ai hku n hkai nga ai.

  Raitim, hkai mu dap na dap up Li Go Hkyin go ndung si a gat ya masa lam mu ton nga ai, shi hkaimu dap ni hpe tsomra ning woi shakut nna, mungdan madang re ai ndung si hkai shara galo ton lu sai. Ndai zon rai shingwang gaba nna hkai ai lam go mungdan gata ko loi no n lo nga ai.

  Li Go Hkyin tsun ai : Anhte nnan e ndai bo ndung si nli lata hkai ai go, nli gaja nna bat mung alak mi nga nna manam pyo nga ai, gat ya ko alak re ai masa gaja nga ai. Bai nna, ndung si hte seng ai galo sama magam mung grai lo ai, bo magup re ai galo sama rai grai lo ai, ndung si chyahkro, ndung si hte galo ai namsi ntsin, sama rai lo lo go mai galo shapro nga ai.

  Ndung si go alak re ai bo namsi rai nga ai.

  Si Shi Hai go hkaimu dap ko na n- dungsi gon hkang ai lit la masha rai nga ai. shi ndung si tsomra ning dup sumru lai wa sai, gonhkang hpaji ni chye nna, ndai bo n- dung si a alak mi re ai nsam hpe mung chye nga ai, shi anhte hpe ndung si hkai shalat hkrat wa ai hte seng ai lam ni tsun dan ai.

  Si Shu Hai tsun ai: Ndung si tum ko mu hpa machyim grai rong nga ai, dingda maga na masha ni ra sha ai bo hpun ko na sha hpa rai nga ai, shat kosi hpang gara ten, sha hpa n lo ai shaloi, lu sha myu mi hku nna mai shadu sha, gangau sha rai nga ai.

  Maigan ko na shiga dap ni shiga sha- bra ai, ndung si go shat ko si hpang gara ten htang lai lu namsi re nga ma ai. Ndungsi a amyu hpan go grai lo ai, Hai nan ko na ndungsi go din din rai nna galu nga ai. Li de go kungkying 8 ko nna 10 dang du nga ai, ndai ginra na ndungsi go loi gaji nna gaji gaba lam mung n bung nga ai. Gat ya masa nau n gaja, hkrang shingwang gaba ai hku nna mung n mai hkai nga ai, ndai tsom ra ning rai wa yang, anhte mungdan ni ndungsi hpan Malaisiya 1 hau, Maliasiya 5 hau,Malaisiya 6 hau jashon la nga ai. Jep maram dap ni jashon la ai Malaisiya 1 hau go, htu shachyam ai akyu gaja nna, Hainan mungdo gaba hkaimu rai jep maram dap ni Hkyung yin 1 hau (琼引1 号) ndungsi nga nna sha- mying la nga ai. Ndai bo namsi go shaning tup tup si nga ai, asi si madang tso, htap htuk masa hkrak, asi si ai lam hta mung ama hkam lu nga ai. Namsi go din nna galu nga ai, namsi li de go kungkyin 15 ko nna 25 dang du nga ai, hpun mi hta namsi si madang go kungkyin 70 -100 dang du nga ai, mu mi hta kungkyin 1000 -1200 dang du nga ai. Hkyung yin 1 hau ndungsi lo malong go Hainan mungdo gaba ko hkai ma ai.

  Ya yang, Hainan ko ndai bo ndungsi hkai ai shara go mu mun 9 jan du nga ai. Yinana, Kongsi, Kongtung, Fugyen, hte Htaiwan hkan e mung mai hkai nga ai. Anhte go ndai bo ndung si hkai ai shara Hainan hkai mu wang ko sa du nga ai, ndai ko na ndungsi hpun go gaba bok bok rai nna hkrang n- sam mung tsom nga ai, jan nsam htong hkrak nna namlap go grau gala tsom nga ai. Yu dat ai hte ndung si hpun ni hkrai hkrai pri rai nga ai, raitim ndungsi nampan go langai mung n mu nga ai.

  Ndungsi nampan go ganing re rai kun?

  Si Shu Hai tsun ai: Ndung si e yu dat ai hte nampan go n mu nga ai, ndai go pan yi rai nga ai, namsi hkinlang mung loi gaba nga ai, nsam mung loi mi tsit ai, ndai bai rai jang go pan la rai nga ai. Namsi mung loi gaji nna nsam nau ntsit nga ai.

  Tsun ga nga yang, ndung si nampan go mayu na nampan zon n rai nga ai, shi go namsi gasha she zon rai nga ai, pan la hte pan yi go lakying langai ko sha pu nga ai. Mangui pan la galu de go limi 5 du nga ai. Mangui pan yi galu de go limi 5-15 du nga ai, gata ko go ndang hti hkra re ai nampan rong nga ai. Atsom sha di yu dat jang namsi ntsa ko shanggan re ai mangui pan kap nga ai. Grau mau na zon re ai go, ndung si ndai ni lo malong go hpun lakying gaba ai ndung si hpun ko she lo si nga ai, hpun lakying gaba hkan e akyu namshum ni grau lo ai majo rai na re ai.

  (Bai matut hti ga)

  (Shta 7 nhtoi 17 ya na do)

  Namsi ndai ni nampan pu ai ko nna namsi myin du hkra rai yang shata 4 ko nna shata 5 dang du nga ai, shi a hkrang go machyin marut rai nga ai, namsi n myin shi ai shaloi, namsi hpyi go atsit rai nna, namsi myin wa jang go hpyi shang gan tsit rai nga ai. Kung nna di ton ai hpang go shang gan mang rai nga ai. Gata na namsi go shanggan nsam rai nga ai, namsi nsam sung jang go nam si mung grau dui nna madang mung grau tso nga ai.

  Ndung si a bong go shong shalat nna bai matut la ra ai.

  Ya lawu de ndung si hpun bong shalat ai ahkyak lam ni shachyen dan na.

  Si Shu Hai tsun ai: Hainan ko hkai ai ndung si go ndung si tum mahkong ton ai hpang, ningtuk sat, maku shaku, ndungsi tum e zaibru gata ko 7 ya gaup da nna maku shaku shangun ra ai, dai hpang akyu namshum majo ko bai bang dat. Ganoi la- ning chyen mi na aten hta, hpun bong gaba de go gungfun mi dang du nga ai, dai shaloi go lakying mai matut sai.

  Sara wa tsun yang, ndung si hpun gaga namsi hpun hte n bung ai lam nga ai re majo, magren hkra dat ai hte ndung si no chye pru wa nga ai. Mayu na matut ladat go ndung si hpun hte n hko nga ai. Shingrai hpyi bo nna matut ai bo ladat sha mai lang nga ai.

  3, 4 ning du sai ndung si hpun ko na hpun lakying zen la, limi mi du jang rai sai. Hpun bong ko ahka la, lahkyik lapau rong ai lakying mayoi ton, lahkong maga de gayap dat nna balasatik hte gayop dat ra ai. Ndai bo ladat hkrung shadang go htam 100 na 90 du nga ai, matsun matut ai 20 ya a hpang, ma-tsun tu ai lam bai hpo gayan yu ra ai. Lakying hkyep atsit rai jang go hkrung sai re, dai hpang matsun matut ai limi 5 lahta de n dung zen kau ra ai, matsun prut lawan shangun ra ai.

  Matut matsun bong limi 25-30 du ai shaloi, lap 5, 6 go dingsa lap rai nga ai, dai shaloi go mai htot hkai sai. Htot hkai ai ladat, bong gon hkang ladat, hkai mu masha ni atsom gon lajang nna, ndung si hpun hkai ai 4 ning a hpang, namsi lu shu la sai.

  Ndai aten hta, anhte go bo gon hkang lam ni galo gaja ai rai kun?

  Matut nna, ndung si hpun hkai ladat hpaji bai jom hti yu ga.

  Ndung si bong hkai na nhkun galu de go li-mi 60 du ai. Dam de go li-mi 50 du nga ai, sung de go li-mi 50 du nga ai. N hkun langai mi ko akyu namshum kungkyin 15 hte go-yang son-gai(过磷酸钙)kungkyin mi bang ra ai.

  Hpun bong e balasatik la kau nna n- hkun ko hkai da, hkai ton ai hpang hka jo ya nna, yi-hku hte bai magap dat ra ai. Hka go gahtet gatsi shadang makop ya ai akyu rong nga ai, ndung si hpun ding de go mida 6 du ra ai, gang de go mida 7 du ai.

  Hainan na namsi wang ko hpun hkrang gadun ai bo jang wom si tsat hkai ma ai.

  Ndung si hkai masha tsun ai: Anhte hkai ai bo ndung si mida 6 -7 du nga ai, hpun lapran loi gang nga ai, dai majo anhte lamu ga akyu jashon ra ai, loi gadun ai bo namsi si ten gadun ai bo hkai nmai mai tsat hkai nga ai, rai jang go shada n wa hkye hkra nga ai, lahkong ning a hpang jang wom si mung mai shu la sai, jang wom si hpun mung gaba sai.

  Hpun bong gon hkang ai ladat, ndung si hpun bong gon hkang ai gaja n gaja lam go ndung si si si madang hpe chye wa-hkye hkra nga ai.

  Dai majo shong na ten hta go atsom sha gon hkang ra nga ai. Ndung si hpun namsi si lo ai hkrang go lakying lagra hkrang nsam rai nga ai, ndung si hpun tso de mida 1.3 -1.5 du nga ai, ganoi rap ra ai hpun lahkying 4 -5 dang nga ai. Lakying labra lapran gang de go li-mi 60-70 du ai, hpun lakying gaba langai go lakying gaji 2, 3 ngam ton ra ai. Ndung si hpun a nam pu pu nam si si alak re ai re majo, namsi ni go lakying gaba ni ko lo si nga ai, madung hpun hte lakying hpun gaba go namsi si ai hpun rai sai. Sara wa tsun yang, hpun bong hkai ai ko nna namsi si du hkra aten go 3 ning ra ai, ndai zon re ai hpun labra go gara hku gon la na rai?(Bai matut hti ga)