Hpungtang hpaji ginra景颇科普

Majap hkai sha hpaji

种辣椒的方法和技术

时间:2020-04-09 15:20:25 来源:德宏团结报

  Majap hkai ai aten gaja go shata 3-5 shing nrai shata 11-12 laman hta rai nga ai. Majap bong bong na rai yang majap li shong lata ton nna, gahtet gatsi shadang 50℃ daram re hpunlum ko shong tsing la ra ai, tsing ngut ai hpang ana ganu sat tsi hte galang bai tsing la nna, hka gatsi hte gashin shatsai la na lam ton da jang rai sai. Dai hpang go ga sau numhpun rong ai ga ko hka jo nna majap li mai gat sai, dai hpang majap abong tu wa, alap 3-4 lap wa jang mai htot hkai sai.

  1.Hkai a ten

  Majap hkai yang go aten lado nau n lata ai majo shaning tup tup mai hkai sha nga ai, raitim, majap hkai grau hkrak ai aten go htingra lado shata 3-5 shing nrai shata 11-12 laman hta hkai yang grau na gaja nga ai, dingda maga de go ningshung lado hta shinggan hkan hkai timung mai nga ai.

  2.Majap li hkyem da

  Majap go amyu myu lo ai majo hkai na shong e hkai li shong mai lata ton ai, gahtet gatsi shadang 50℃ daram re hpunlum ko manit 15 daram shong tsing la ra ai. Tsing ngut ai hpang ana ganu sat tsi hte bai tsing la nna hka san hte galang bai gashin shatsai nhtom, lam jahkro ton jang rai sai.

  3.Hkai shara lata

  Ga sau namhpun gaja ai shara hkyem da nna nachye hte chye shawom la nna hkai yang she abong prut pru wa na matu akyu rong nga ai.

  4.Majap li gat

  Ga ko hka jo nna majap li hpe mai gat sai, gat ngut ai hpang hkaili hpe nbung hte n gawut shamong kau na matu ga lam mi no magap da ra ai. Shing rai ka madi bam shangun nna gahtet gatsi shadang 25-30 daram rai jang 3-5 ya laman hta majap bong chye tu pru wa sai.

  5.Abong htot hkai

  Abong tu pru wa nna alap lap wa ai hpang go lamu hpong tsom ai ten hta mai htot hkai sai, hkai ngut ai hpang ahkying aten masat da nna atsom sha gon lajang jang rai sai.