Hpungtang hpaji ginra景颇科普

Manap e Ngachyu hte lasi jahku gara lu yang grau gaja ai kun?

早餐喝牛奶好还是豆浆好

时间:2020-04-09 15:14:21 来源:德宏团结报

  Lasi jahku hpe go moi ko nna“Tu rai Ngachyu”ngu ai shingteng amying shamying da nga ai. Lasi jahku go manu n laja ai hta n-ga ahkyak dik ai lusha myu mi mung rai nga ai, dai majo Miwa mung ni a manap shat hta lasi jahku hpe grai ahkyak la nga ma ai. Shi sok masha Kongtung hpyendap ginju na n-gun de wa ai lusha gonhkang hpung na mu madu Zen Kyin hpe shi sok san ai shaloi tsun u ai.

  Lasi jahku hte Nga chyu

  Ngachyu hte lasi jahku hpe manap shat shatai yang go gadai mu gadai a akyu ning mu lam ni nga nga ai.

  Manap e lasi jahku hte Ngachyu gara lu yang grau gaja ai kun? Zen Kyin madun tsun ai, shan lahkong go gadai mu gadai a a hkyak lam nga nga ai. Danleng ai hku tsun ga nga yang, lasi jahku na danbeji hte gai go Ngachyu hta nyem nna, ling (磷) go Nga chyu hta loi bai tso jat ai, Ngachyu daram hkum de n gun n wa nga ai. Nga chyu ko go lo htam ai danbeji, hkongwuji, wuisinsu, gai hte wuisinsu B12 ni grai tso nga ai. Rai timung wuisinsu C, hpri hte hkyenwuiji loi yom nga ai, dai hta, Ngachyu go dusat lusha re majo, dan-guchun hte pauhojifangson(饱 和脂肪酸) ni rong ai majo masha lo malo ni go nau n sharong lu ma ai.

  Lasi jahku go lasi hte galo ai re majo, dandeji, hpri, wuisinsu B1, fanson( 泛 酸), hkyenwuisu ni go dusat na hte maren sha hkrak nga ai, dai hta dan-guchun hte pauhojifangson ni nlom nga ai. Zen Kyin shachyen dan ai, sai nyem ai ni lasi jahku lu yang go Ngachyu lu ai hta akyu grau rong nga ai, gahtet ai lasi jahku lu yang go tu rai na danbeji sharot la lu ai hta n-ga hkumhkrang hta ana htang maja na n-gun mung grau rong nga ai. Shingrai, lasi na saihtang go 15% , Ngachyu na go 30% , hpum ai ni hte saihtang tso ai masha ni a matu nga yang lasi jahku lu yang grau gaja nga ai.

  Bai nna go, Ngachyu ko go htang rong nga ai, dai majo mungkan hta htam 3 na htam 2 masha go htang hpe shatkan hta nlu rin mani nga ai, Ashadan na htoi nsam masha ko na 70% ni go chyu htang hpe shatkan hta nlu rin mani nga ai. Shingrai Ngachyu hte lasi jahku hpe shadon yu yang, lasi jahku na htang ni go masha hkumhkrang de 100% lu marop la ai majo akyu grau gaja nga ai.

  Chyu ginsa ana machyi yu ai masha hte nta dinghku labau hta chyu ginsa ana machyi masha nga yu ai ni, lasi jahku nau nmai lu dinglai nga ai.

  Zen Kyin shachyen dan ai, ya yang na tsi mawan hpaji hta lasi jahku a akyu hpe dangrang hkat ai lam loi nga ai: Lo malo n-gun de wa ai hpaji ninghkring ni tsun ai, lasi jahku go hkumhkrang makop maga na matu akyu rong ai nga ma ai, ga shadon lasi gata na Yihong htung (异黄酮) go num ni a hkumhkrang hta akyu lolo nga nga ai, lasi ko na htang go shat kan a matu akyu gaja nga ai. Rai tim maigan na tsi sara ninghkring ni sumru yu ma yang, lo htam ai honghtung-su go chyu ginsa ana nlu htang ai hta n-ga n-gaja ai sainu no chye rong wa ai nga ma ai.

  Dai majo, chyu ginsa ana lu wa na madang tso ai ni go lasi jahku dingyang nlu yang gaja ai. Lasi ko na danbeji go hkum gata na hpri hpe marop kau ya chye nga ai, lama na lasi jahku hte lasi nau sha dinglai jang hkum gata na hpri hpe wa hkye hkra nna, masha hkum hta n-gun nrong, puba, sai nyem re mabyin masa ni byin wa nga ai.

  Shingrai, anhte ni lasi jahku lu yang sharam lu sharam sha ra ai, masha a hkumhta lani mi hkamja ai hku lu yang go hpa manghkang nchye byin nga ai. Sak kung sai masha ni go lani mi lasi jahku 1~2 lang, galang mi lu yang haushin 250~350 mai lu nga ai, ma gaji ni go haushin 200~230 lu jang rai sai. Tsun ga nga yang lasi jahku go masha hte ndi nhka nga ai. Shing rai hpa ahkyak lusha mi rai rai dingman ai hku sharam lu sharam sha yang she hkumhkrang hkamja nga ai.