Hpungtang hpaji ginra景颇科普

Hke le lu yang sadi ra ai lam 6

注意!长期喝可乐有六大危害

时间:2020-04-03 10:27:37 来源:德宏团结报

  Hkele (Cola) a nsam go hkye chyang ai re, lu dat yang dui dui nga nna, hkafui yin (咖啡因) rong ai htanson (碳酸) lu hpa myu mi rai nga ai.

  1.Yup n pyo ai

  Hkele ko na hkafui yin go masha hpe yup n pyo shangun nga ai, yup yak, myit gatu wa, myit nzim nzam rai yup n gaja mat wa chye nga ai, dai hta hkumhkrang na nrut nra hpe jahten hkra wa nna masha a hkamja lam hta akyu n rong nga ai.

  2. Chye hpum wa ai

  Hkele ko na htang ni go danhtang(单糖) re majo, htang dai sailam de bra shang wa jang, sai htang ni tso wa, masha hpum wa nga ai.

  3. Wa hpe jahten hkra ai

  Hke le ko go linson(磷酸) hte eyanghuahtan rau gayau nna htanson byin mat wa nga ai, shing rai hke le dingyang lu dinglai yang wa chye tsam wa nga ai

  4. Hke le lu lo yang nra dohten mat wa ai

  Hke le lu lo yang go kaga hkyishui (汽水) hte shadon yang nra do hten wa ai lam htam 5 jan nga ai.

  5. Hke le lu lo yang shatkan n gaja wa nga ai

  Hpa majo nga yang eyang huahtan go hkumhkrang gata e wa-hkye hkra nna, shat kan chyabung wa, shat sha nmu, grau nna go pu kan hpe wa hkye hkra nga ai.

  6. Pasang ginsa ana machyi wa ai

  Indiya mungdan na tsi sara ninghkring ni sumru yu yang, htanson lu hpa sharong lu ai ni go pasang ginsa ana machyi na madang tso nga ai. Dai majo shat kan ana hte pukan n gaja ai ni hkyi shui lu hpa hkum lu sa.

  Bai nna go hke le lu yang hkumhkrang n gaja ai hta n-ga, shebyi, funda, hkyisi, muinyen da re htanson lu hpa ni dingyang lu yang go hkum hkrang a hkamj a lam hpe wa-hkye hkra nga ai, dai majo htanson lu hpa sharam lu shing nrai nlu yang grau gaja nga ai. Hpang gara ai shaloi hpa lu yang she hkumhkrang hta akyu rong na kun? Ameriga na n-gun de wa ai tsi sara ni mungkan hta nambat langai lang shabra ai 《Hkamja lu hpa madun lam》 hta ning nga ai, shani shagu hka grung grung lu, shing nrai kaga lu hpa lu mayu yang go htang nlom ai hpa-lap hte gahpri, Ngachyu, lasi jahku ni lu yang gaja nga ai.