Hpungtang hpaji ginra景颇科普

Hkamja dik ai ngasat ngasa 10

10条健康知识

时间:2020-04-03 10:26:02 来源:德宏团结报

  1.Hpalap lu

  Hpalap go mungkan tsi mawan hpung ni shabra ai hkamja lusha myu 10 na langai re, yong chye ai hte maren hpalap lu yang go pukan shamu shamot lawan ya, ana htang n-gun shaja ya lu nga ai. Shayi num ni hpalap lu yang go man tsom wa shangun lu nga ai. Shani shagu hpalap lu yang go hkam gaja wa ai hta n-ga, hkum shan mung tsom wa nga ai majo, myit mung pyo wa, azet atsang nga wa nga ai.

  2. Lawan ai hku lam hkom

  Lawan ai hku lam hkom yang go hkum shan n-gun ja wa, nrut nra ni jahten hkra na maja kau lu nga ai. Dai hte rau, hkum shan, shan mong ni mung n-gun grau rong nga ai. Aten na na hkum shaman shakyang ai ni go, myit atsam rong, puba ai hkoi lawan nga ai.

  3. Mahkon hkon

  Myit mi alom rai mahkon hkon ai shaloi, nang hpe myit n pyo ai lam ni malap kau shangun, myit ni shanu la lu ai. Bai mahkon hkon ai shaloi go, gaja ai nbung nsa ni marop bang la nna, sinwop hkamja wa nga ai. Mahkon hkon yang pyo na matu go, nshang atsom shapreng nna hkon ra nga ai majo, hkum mung apreng rai tsom wa sai.

  4. Aten na na hkum dung nga

  Aten na na dung nga, grau nna go dung njo ai ni go, nshang grai machyi wa nga ai. Mahtang go njo ai hku dung yang marung hte seng ang ai shan mong ni hpe dip jahten hkra ya ai. Aten na na dung yang labop ni bum wa, nshang lawu do de sai gatin wa nna, marung ginsa wa nga ai. Aten manit 90 jan nna hkum dung to nga !

  5. Shanam lo sha, shaman htang ja- hku lu

  Shanam gatsing go lum nna, shalat shapro ya lu nga ai hta n-ga, shatkan shalum ya, kro matan ai jahkring ya re akyu rong nga ai. Shatkan lagyi ai zon nga nna, n-gup n mu re ni go, nong e shanam gatsing maum yang go, lusha rin lawan shangun lu nga ai. Ningshung lado hta shanam hte htang hkye shadu lu yang hkum lum wa nga ai.。

  6. Namlap simai lo sha na

  Namlap simai sha yang go lohtam ai hulobusu hte yehongsu rong nna, myi hkamja wa nga ai. Dai hte rau, namlap simai hta go hkyenwuisu grai tso nga ai majo, sha dat jang shatkan gata ko rin mani lawan nna, kan sa manu nga ai

  7. Lan mui sha na

  Lanmui (蓝莓)namsi hta go dihpro, hkyenwuisu, jifang, wuisinsu re ni lohtam rong nga ai hta n-ga, gai, hpri, lin, gya, sin re nhprang rai ni mung rong gajang nga ai.

  8. Kyenko si

  Kyenko si na gai, mui, gya re nhprang rai ni go, masha hkum hta ra gadon nga ai matut rai dihpro hte wuilang-yensu a npot re. Namlap simai hta n lo ai hpe jat ya lu nga ai.

  Raitim kyenko si jahkai myu hpan grai lo nga ai, myu mi sha sha yang go namta nlo ai, shing re majo, myu hpan lo lo sha ya ra nga ai.

  9. Yup hkru ra ai.

  Aten na na yup n hkru yang go, bonu atsom nlu hkringsa la ai, bonu a atsam hte matsing n-gun ni yom mat wa chye ai.

  Atsom yup la lu na rai jang, htingwan mung grai ahkyak nga ai.Yup gok go loi sin sin rai ra nna, yup na shong e wan la kau, hkalap sumpan gang kau, myi magap gap kau nna yup yang mung gaja ai.

  Yup gok na gahtet gatsi shadang go 20-23℃, nbung nsa hkrang tsom ra ai.

  10. Ahpum hkat

  Miwa mung masha ni go ahpum hkat ai alai nau n man nga ai.

  Anhte lani mi masha gade hte hkrum hkat nga ai raitim, shada gang hkat ai, ahpum hkat chye yang go masha hpe ma prat na lam ni myit sumru shangun nna, a- lum ala nga myit pyo wa nga ai, masha shada ahpum hkat chye yang go, myit pyo myit lom hkat shangun nga ai. (Gale ai Nhkum Bok)