Hpungtang hpaji ginra景颇科普

Yup yang hkumbai gapya ai go hkumhkrang hkamja lam a majo rai na re

睡觉流口水可能是身体出了问题

时间:2020-04-03 09:20:43 来源:德宏团结报

  Yup yang hkumbai gapya wa ai go hpa a majo rai ai kun?

  Langai, yup ai shaloi galeng yang n htuk ai majo re.

  Galang lang go anhte yup ai shaloi galeng yang n htuk ai majo, yup yang hkumbai gapya wa chye ai, ga shadon saboi ko dagup yup nga shing nrai nhkrem hku yup rai yang hkumbai gapya wa chye ai, ndai ten hta, anhte galeng nga ai ladat sharai la jang, hkumbai gapya ai sat lawat shayom kau lu ai.

  Lahkong, n-gup ana a majo rai na re.

  N-gup hta ana ahkya ni byin yang mayu e yup ai shaloi hkumbai gapya loi loi rai nga ai, n-gup gahpro, wa sai pru, wa u-tung sha rai yang yup ai shaloi hkumbai grai chye gapya ai, lama n-gup gahpro rai yang, machyi ai majo mayen ni apyi pru wa nna, yup ai shaloi hkumbai gapya wa nga ai.

  Masum, myit gatu garu re majo rai na re.

  Galang lang go anhte myit gatu garu rai nna, laso lasa myit gahta wa chye ai, ndai ten hta go bonu go n jo ai shi sharat chye shabra dat ai majo, hkumbai lo jat wa nna, anhte yup ai shaloi hkumbai gapya wa chye ai, ndai ten hta anhte go hkumhkrang sharai la, mayu na ngasat ngasa lam hte lu sha kyang lai ni sharai jahtuk la rai yang, yup ai shaloi hkumbai gapya wa ai lam sharai kau lu ai.

  Mali, sinpai shat kan tsam n-gun shuk shanut wa ai majo rai na re.

  Nam tsi sara ni tsun ai yup ai shaloi hkumbai gapya chye ai go sinpai shat kan tsam n-gun shuk shanut wa ai majo re nga ai, la-ma sinpai shat kan tsam n-gun shuk shanut mat jang, yup nga yang hkumbai gapya chye nga ai, “Shat kan atsam n-gun n htuk jang yup n pyo ai” ngu ai hte maren, la-ma sak kung sai ramma ni sinpai shat kan shamu shamot n-gun nyem mat, namtsi sara ni tsun ai sinpai shat kan bam madi gahtet ngu ai machyi kumla ni nga yang, yup ai shaloi hkumbai gapya chye nga ai.

  Manga, man na laso lasa sai lam pat mat shing nrai bonu sai lam pat ai majo rai na re.

  Yup nga yang nbung gawut hkra jang man na laso lasa sai lam pat mat shing nrai bonu sai lam pat mat rai chye ai, anhte jamna hku yu yu yang mai ai, lama n-gup myi ni nhkyeng wa jang, tsi rung de seng ang lam lau lau sa jep ra nga ai.

  Yup nga yang hkumbai gapya ai shaloi gaya hkrum na lam myit du na shong e, anhte go hpa rai byin wa ai lam shong sadi maja ra ai, ndai hku rai jang she machyi mako lam a majo yup ai shaloi hkumbai gapya ai sat lawat shaprai kau lu, anhte a hkum hkrang hkamja lam hpe ama hkam lu ai. Yong mayong apyo sha yup lu na myit mada dat nngai. (Gale lajang ai :No Ji)