Hpungtang hpaji ginra景颇科普

Shat gok ko makoi rong nga ai ginsa ana byin chye arai myu 4

隐藏在厨房里的四种致癌物

时间:2020-02-21 10:55:06 来源:德宏团结报

  Ginsa ana byin tai wa ai arai ni go ginsa ana ok wa na a madung rai nga ai, shi go agung rai, hking hku hte lusha re ni re. Lawu de langai hte langai di tsun dan na!

  Langai: Numshu lamu kap mat sai hkoize

  Hkoize go numshu lamu kap ra nga ai, grau nna go dingda maga na yi-nam ta hta.

  Tsi sara ni tsun ai, numshu lamu kap mat sai hkoize go, Honghkyu-muisu rong wa nga ai, bai honghkyu-muisu go ginsa ana byin tai wa ai ana ganu myu mi rai nga ai, shi a ningtuk ai lam go Hpyishong (砒霜) hta htam 68 jan nga ai, masha a hkum gata de shang jang asin ni hpe manu mana jahten hkra ya nna, sin ginsa ana ok wa nna si mat wa chye nga ai.

  Shing re majo, hkoize numshu lamu kap mat jang, lawan gabai kau u. Shadum ai lam: Hpri hte galo ai hkoize mari lang yang gaja ai.

  Lahkong: Jum Nga chyahkro

  Nga chyahkro go dinghku lo malo ni hta sha sharong ai simai myu mi re, shi go sha yang mu nna, bai ton da manu rai nga ai.

  Dai rai yang, jum Nga chyahkro galo ai shaloi jum lo wa bang nna shong yen ton ra ai, yen ton ai laman hta lohtam ai Egya hkyiyashauson-yen byin tai wa ai, masha sha ai hpang go ginsa ana byin tai loi dik ai Egya hkyiya shau-an byin tai wa nna, aten na jang, pu ginsa ana, shatkan ginsa ana, hkumpai ginsa ana ni ok wa nga ai.

  Masum: Marop shapro ai sau nsa

  Jep sumru yu yang, shayi num ni sinwop ginsa ana lu ai lam go sau nsa hte seng nga ai.

  Sau grai gahtet ai shaloi marop shapro ai nsa ni go, ginsa ana byin tai wa chye ai Pyin si hkyen, Ben Pyin byi ni rong nga ai,ndai ni go masha a nsa lam na sapsanap hpe aja wa gasheng hkra ya nna, ladi ginsa ana, sinwop ginsa ana ni ok wa shangun nga ai.

  Shadum ai lam: Shat simai galo yang, sau ndi nau n gahtet ai shaloi simai bang gangau na, nbung nsa jahkrang, nsa marop jak hpo ton di na. Simai gangau ngut tim, nsa marop jak manit 3~5 daram dingyang no hpo da na.

  Mali: Shadang ndu ai sau

  Gatya hkan dut ai sau go myu hpan grai lo nga ai, masha lo malo ni go manu hpa ai hpe sha nga nna, lakmat n lu ai majoi galo dut sha ai sau mari sha gajang ma ai.

  Sau mari sha yang, mying gaba ai sau mari sha na, ndai ni go mungdan lusha wunli shatang du ai majo sha yang ntsang ra ai.

  Lahta ko tsun lai wa sai lam ni, lama nang a dinghku ko byin nga yang, lawan hta gabai kau u! (Gale ai Nhkum Bok)