Hpungtang hpaji ginra景颇科普

Byinsi nsam mahkrisum hkai sha hpaji

怎样种植樱桃树

时间:2020-01-20 16:23:25 来源:德宏团结报

  Hka bang ai hte rau, Gya tso ai (高钾) namhpun mung bang ya ra ai. Mu mi hta kungkyin 10 ko nna 15 dang bang ra ai.

  Ndai ten hta jai lang ai namhpun madung go Gya (钾肥) namhpun re. Ndai go mahkri sum a madang hpe chye shatso ya nga ai. Bai nna namsi hpe gaba lawan shangun nna grau hkye tsom nga ai. Tan Lin (氮 磷肥) namhpun mung bang ya ra ai. Tan Lin Gya namhpun na shadon shadang go 2:1:4 gayau bang ra ai. Bai nna, lawan ai hku gaga ra gadon ai namhpun mung bang ya ra ai.

  Namsi kung myin ten hta hka nau bang shalo jang, namsi hpun grai tso lawan nga ai. Shani na gahtet gatsi shadang laman 28 ko nna 32 daram, gahtet gatsi shadang laman 13 ko nna 16 dang tek da ra ai. Shana na gahtet gatsi shadang shanyem nna namsi hpun hpe nau n gaba lawan shangun, namsi mung gaba lawan nga ai.

  Nbung nsa jahkrang ai ladat go byinsi nsam mahkri sum a madang hpe grai ahkyak nga ai, la-ma na nbung nsa jahkrang ai n htap htuk, kinsim gata na gahtet gatsi shadang bai tso bai nyem rai jang namsi hpe n gaja nga ai.

  Mayu e, jahpot shanang nbung nsa jahkrang na hkalap 2, 3 lang hpo ya ra ai. Shana de raitim maren sha 2, 3 lang hpo ya ra ai. Bai hpang abui sha bai la kau ra ai, kinsim gata na n bung nsa tso nyem rap ran a hku ama hkam ya ra ai.

  Nbung nsa jahkrang dat jang go, kinsim gata na nbung nsa hka rong madang lu shayom ya nga ai. Mayu e, nbung nsa madi nya madang laman htam 100 na 45-55 lapran rai ra ai.

  Byinsi nsam mahkri sum go namsi kung myin ten hta grai gaba lawan nga ai. Namsi hpun ndung de nhkrem hku chye tu mat nga ai.

  3, 4 ya din jang masha hte nan galang mi shading ya ra ai. Sumri hte shading ya ai shaloi, lahkying gasha hpe la kau ya ra ai. Akyu namshum n lahpot na hku galo ra ai. Lahkying la ai shaloi sadi ra ai go, lahkying lawu de nna gang gyi dat ra ai. La-ma na n gam ton ai nau galu jang, bai nna galok hka nau gaba jang, li ana chye byin nna sisi madang mung chye yom mat nga ai.

  Namsi kung myin ten hta, sisi ai lawu maga de namlap ni loi lo nga ai. Nbung nsa nau n hkrang nga ai, n tsom ai lap dingsa ni hpe mai di kau ya nga ai. Yan lahkong hta lata nna lap mai la kau nga ai, nbung nsa hkrang na hku galo ya ra ai. Jahpot manap do galo yang go grau gaja nga ai.

  Byin si nsam mahkri sum hpun go dingyang chye gaba wa nga ai, dingyang chye tu galu ai. Namsi si ten hta hkinlang go mida 2 dang lu galu nga ai. Namsi hpun nau galu jang, nbung nsa jahkrang jan htan madang ni mung nau n gaja mat nga ai. Gonhkang lam mung loi yak mat nga ai.

  Dai majo sumri bai shayu kau ya ra ai.Namsi hpun npot na si kungmyin ai hpang,lawan ai hku sumri la kau ra sai. Mahkri sum hkinlang hpe galeng ai hku nna shayu dat ra ai. Shayu ngut ai hpang n nan na sumri hte bai shangang ton ra sai, hkinlang shayu yang maga mi de shayong ra ai.

  Shata man 5 shagong si de du wa jang,gahtet gatsi shadang tso wa nna, namhpun mung gaba gaungui mat sai. Byin si nsam mahkri sum mung namsi kung myin ai hpang do de du wa sai. Kungmyin ai ten hta,hpun hkinlang nau n kyip lawan na hku ama hkam ya ra ai. Gahtet gatsi shadang tso wa nna, nbung nsa madi nya lam mung yom mat nga ai, gahtet gatsi shadang mung tso wa nyem wa chye rai nga ai.

  Namsi mung akyik aok, si ntsom mat chye rai nga ai. Dai majo hka shau bang nna lo lo lang bang jang rai sai. Namsi sumbrau ko yu nna namhpun bai bang ra ai, mu mi hta gaugya namhpun (高钾肥) hke 10 gayau bang ya ra ai, dan namhpun (氮肥) hke 5 bai gayau bang ya ra ai. Hka hte rau gahte bang ya nna, tsi pung hte mung mai gat nga ai.hka namhpun gat ya nna namsi hpun n kyip lawan na hku ama hkam ya ra ai.

  Namsi kung myin ai hpang do de gahtet gatsi shadang tso nna, jan htan madang mung grai tso nga ai. Shani yang lawan ai hku nna nbung nsa jahkrang ya ra ai. nbung nsa Gahtet gatsi shadang laman 30 lawu de tek ton, nbung nsa madi nya madang laman htam 100 na 45, 50 dang tek ton ra ai.

  Tu gaba wa ai hpang do de, shata man 6 de shang wa ai hpang, madung na gon hkang ahkyak lam go langai go tso ai gahtet gatsi shadang hte, jan htan madang hpe htang ra ai. Jan shingdang kinsum hte magap ya ra ai, bai nna lap loi lo hkra ngam da ra ai, namlap hte gahtet gatsi htang ra ai.

  Byinsi nsam mahkri sum hpun tu gaba ai hpang do de, nau n lu gaba mat sai, raitim hkin lang bai shayu ya ra ai. Ladat go lahta na hte maren re, hkinlang shayu na shong e, lawu maga na namlap la kau ya ai hta lai nna, lapran na ana kap ai dingsa mat sai namlap mung la kau ya ra ai. Nbung nsa hkrang nna jan htan madang mung gaja nga ai. Li ana ok na lam hpe htang kau nga ai. Hpang do de mung lakying ni la kau ya rai ra ai. Jan htan madang tso ai re majo namsi hpuntu masa gau-ngui mat nga ai. Namsi hpun ndung nhkrem ai lahkying 2, 3 dang mai ngam ton nga ai. Lakying langai mi lap 3, 4 ngam da nna ndung di kau ya ra ai, ndung de na namlap wumtsom shangun ra ai, lawu maga na namsi ni hpe shingbyi ya nga ai.