Hpungtang hpaji ginra景颇科普

Jinghpo amyu ni a shingjong lamang

景颇族体育竞技

时间:2020-01-20 16:11:23 来源:德宏团结报

  Sakhkung mungdo ko nlo amyu bosang 5 nga ai, Jinghpo amyu ni mung ndai shara hta nga shanu ai shaning ram ram na mat wa sai. Jinghpo amyu nga ai ginra masa ko hkan nna, hkumhkrang hpe ladat amyu myu shaman shakyang chye nga ma ai. Ya daini suthpom pati asuya woion ai gata hta, hkrumhkrang shalik shakyang ai lam hpe grau nna sharong shara galo nga ma ai hte rau, shingjong lamang ni hpe tam shinggyin ton nna, dingyang matut galo hkrat wa nga ma ai.

  Nhtu hkyen

  Nhtu hkyen go Jinghpo amyu ni a jau hkyen re. Jinghpo amyu ni go nhtu hte n hka ai amyu ni re, Moi prat na jiwoi jiwa ni yi sa yi wa re ten hta, mahkrum madup lam hpe sumru dinglik yu nna shalat ton ai nhtu hkyen re. Nhtu hkyen hpe n htu langai hte sha hkyen ai nhtu hkyen nga ai, n htu lahkong hte hkyen ai mung nga ai.

  Shingte te shingjong

  Shingte te shingjong ai go Jinghpo amyu wa la ni sharong dik ai shingjong lamang re. Lo madung go go-nyen laman hta galo ma ai. Kumhpa hpe kawa ndung ko noi ton sanat hte gap shingjong ai, shing nrai lahpo hte mung gap shingjong ai, kumhpa dai gadai lu gap di yang gadai a rai na. Si poi hta mung sanat hte shingte shingjong ai hpe ahkyak grai la ma ai.

  Kawa manai shingjong

  Jinghpo amyu ni magam bungli hkringsa ten hta, kawa manai shingjong na hpe grai sharong ma ai. Kawa manai shingjong yang, gadai a ta labyin rong n rong asan sha mu mada nga ai.

  Seng hpok hpok shingjong Seng hpok hpok shingjong ai go lo malong ramma ni re. Langai go seng shachyai dat yang gadai a gade na hkra kri nga ai hpe shingjong ai. Lahkong go seng adot hkat yang gadong mat ai wa sum na. Masum go masha lo lo rai seng shachyai shingjong na.

  Sau kawa lung shingjong Kawa ndung ko sau bang ton nna lung shingjong ai. Kawa ndung ko bang ton ai sau sa ashun hkra dat jang, sau kawa hku lui yu wa nna grai lung yak ai. Ta labyin grai rong ai wa chyu sha ndung ko du hkra lung lu nga ai.

  Kawa htu shingjong Kawa hpe kan ko shatai ton nna htu shingjong ai. Dai go ta n-gun, lago n-gun re ni shingjong hkat ai re, mahkrat ton ai sumri shinggan de htu gale kau lu jang go dang sai ga re.

  Jinghpo amyu ni a htunghking shingjong lamang go manu grai dan ai hpaji re. Htunghking shingjong lamang ndai hpe dingyang no hkan sok shinggyin la nna, galu gaba wa ai lam hta jai lang ga.