Hpungtang hpaji ginra景颇科普

Sakhkung mungdo ningdo 15 mungchying sha gasa zuphpong gaba nambat 3 lang zuphpong ongdang ai hte shangut la sai

州十五届人大三次会议胜利闭幕

时间:2020-01-20 16:05:35 来源:德宏团结报

  Ndai lang zuphpong hta tingnyang up lit la masha go Jau Kang, Hu Shau Chin, Wang Min Shan, Tung Chin Pau, Yang Li Yin, Sung Yi Fa, O Htun, Jau Sin Jo, Nye Mau Hua, Yang Hua Seng, Wang Shau Tung, Jin Kong Yung, Jau Kyen Hua, Jau Li sin, Kung Mau Tan, Ho Shin Fu, Shi Dau Lung rai nga ma ai.

  Zuphpong hta mungdo mungchying sha gasa zuphpong rapdo sutgan ja gumhpro mu lam rapdo mu madu salang myit hkrum da, mungdo ningdo 15 mungchying sha gasa zuphpong dinggrin dapdo salang 4 lata shapro da rai nga ai.

  Wui Kang, Hong Li Yin, Rin Yan Chyin, Li Ji Min, Yang Shang Hung, Kung Yin Jin, Yang Ta Hkyin, Ma Yin Fung, Tsin Shau Hua, Jang Hui, Yang Shi Chyong, Li Jin Hon, Li Chau Wui, Li Hkang Hpyin, Kon Go Jau, Li Chon re ni mung tingnyang up pinra hta sa du dung ma ai.

  Zuphpong hta Sakhkung mungdo mungchying sha asuya magam mu tang shon mungga hte seng ai dup shakyet laika, Sakhkung mungdo 2019 ning na mungdan ja sutgan hte hpong shingra rot jat yo shada lam galo sa wa ai lam, 2020 ning na mungdan ja sutgan hte hpong shingra rot jat yo shada lam hte seng ai dup shakyet laika myithkrum da. Sakhkung mungdo 2019 ning na sutgan tot son lam galo shangut shakre ai lam hte 2020 ning na sutgan tot son lam hte seng ai dup shakyet laika. Sakhkung mungdo mungchying sha gasa zuphpong dinggrin rapdo a magam mu tang shon mungga hte seng ai dup shakyet laika. Sakhkung mungdo lapran tsang mungchying sha tara jep shin rung magam mu tang shon mungga hte seng ai dup shakyet laika. Sakhkung mungdo mungchying sha tara jep rung magam mu tang shon mungga hte seng ai dup shakyet laika.《Yinnan Sakhkung Sam Jinghpo amyu madu uphkang mungdo tara lamyi gram sharai》ai lam hte seng ai dup shakyet laika myit hkrum da rai masai.

  Hpan Yau Hpyin mungga hko ai shaloi tsun madun ai, lai wa sai shaning go, mungdan gata shinggan masa lam grai yak lai wa ai sha nrai, gram sharai rot jat lam mu lit grai li nak ai shaning rai nga ai, mungdo mungchying sha gasa zuphpong dinggrin rapdo hte mungchying sha gasa ni yong pati e woi-on ai lam hpe hkan tik tik rai let ginjo, mungdo gaba rapdo hte madu uphkang mungdo rapdo ko nna dodan matsun ai lam hpe kangka hkan galo shatup, ngang hta hpara ngu ai magam gunhpai myit jasat hte “Shingyo myit n malap, labau lit matsing gun”ngu ai sharin achyin lam sung sung galo hkrat wa ai hte rau, jet san mung masa magam ronlai sharai shading shaja sa wa nga ai, ubadi tara hkan, tara hte tup hkan yu jep shadut, a mu gaba dup bong dodan, masha lata galai lam, mungchying sha gasa tai asung jashon, tinang hkum maden shakang re lam ni hta akyu yi ngam nga ai a mu ram ram galo sai rai nna mungdo ting na ja sutgan ngang kang ai hku rot jat sa wa lu, hpong shingra nguipyo zimra, amyu myit hkrum gumdin, pati hpung go gap shangang ai lam ni hta salu salat n-gun atsam sak shapro lai wa sai nga ai. Hpan Yau Hpyin tsun lajin ai, 2020 ning go lachyum grai rong ai shaning re, lusu nguipyo hpong shingra go maden la, latsa ning bandung lu shakut shabyin la na shaning re, bai nna Sakhkung ni 3 ning laman na magam bungli lu adot shakri shabyin la na shaning mung rai ai. Mungdan ting atsang shagu na mung chying sha gasa hpong muhtam masha ni myit masin hpe mungdo rapdo ningdo 7 nambat 6 lang hkumra zuphpong ko gahkyin dinghkyom dat, mung masa myittsu lam, myit jasat myittsu lam, shamu shamot myittsu lam jat shaja la, pati woion lam, mungchying sha madu tai lam, tara hte mungdan uphkang lam ni hpe shabung nhtan dat, madung mu ko shing rau, bungli gaba ko kyu htam, mung masha ni a bungli ko myit n-gun atsam ding-yang dat shapro sa wa, tara hkrang hpon nnan shalat, gonhkang tsam marai sharot, tara akyu asung jashon lam shadan shaleng, myit masin gui gui hte galo sa wa, pati ginjo, mungdo gaba rapdo, mungdo rapdo ni a mu lam shagu hprai ap lam shakyet shatup du, laning mi hta madung adot shakri, nining hta madang shatso dat, 3 ning hta sutgan bat mi gabat gale dat lu hkra, madang tso hkan kap ladat kumla hku majan zinghka sa wa lu na matu n-gun atsam dat shapro ga nga myit mada dat nga ai. Hpan Yau Hpyin hpang jahtum e tsun ai, 2020 ning hta go anhte grau nna myit hkrum, Si Gyin Hpyin akri madung tai ai pati ginjo ko myit hkrum gumdin nga, Si Gyin Hpyin prat nnan Miwa mung gaga lak nsam rong ai hpong shingra lai len myit jasat donghkon tso tso hpai sharot, pati kam sham lam, mung masha myit mada lam, gahpa na lit re ni ndang nhkan nrai ai hku gun hpai sa wa, myit grau shakang shaja la, ruyak hkiba hte shakut, Sakhkung mungdo madang tso hkan kap ladat hku majan zinghka lu na hku shakut shaja sa wa ga nga u ai. Zuphpong go mungdan mahkon nuk nsen hta ginhtip dat lu sai.