Hpungtang hpaji ginra景颇科普

Jahpot manap n-gup garu ai hpang she ntsin mai lu ai

晨起后应先刷牙再喝水

时间:2019-08-23 16:12:03 来源:德宏团结报

  Masha lo malong go jahpot manap rot ai shaloi hka gom mi lu man nga ai, rai yang n-gup shong garu kau nna hka lu yang gaja ai kun, shing nrai, hka shong lu nna n-gup bai garu yang gaja ai kun? Laksan sara ni tsun ai, jahpot manap rot ai hte n-gup shong garu na she ntsin bai mai lu nga ai, n-gup n garu ai ntsin lu bang dat jang go awo hpundo hkrum wa ai, dai hte rau shat sha ngut ai hte mung n-gup lau lau garu kau yang wa a hkamja lam hpe makop n lu nga ai.

  Nan-gyin myu numma tsi rung ma gaji n-gup yu jep dap na tsi sara Wu Gye tsun ai, masha yup nga ai shaloi go kan gata hta sha bang ai lusha ni hpe rin manyi nga ai. N-gup go lum ai hte bam ai shara re, dai majo ana ganu brat ra dik ai shara gaja mung rai nga ai, n-gup ko lana mi na lapran e sha- brat ai ana ganu ni go n-gup ko grai tsat kap nga ai. Dai majo yup rot ai hpang, lusha ni sha bang na shong e n-gup shong garu kau ra ai, dai hku galo yang she n-gup jasan jaseng lu nna, n-gup hku ana nshang lu na matu ama hkam lu nga ai. N-gup garu kau ai hpang go ntsin lau lau lu dat ra ai.

  Masha nkau ni go shat sha ngut ai hte n-gup sa garu rai ma ai, ndai hku rai yang wa hkamja na matu akyu nrong nga ai. Tsi sara Wu Gye tsun ai, shat sha ngut ai hpang wa ko go lusha hkan na maza mala ni kap to nga ai, la-ma shat sha ngut ai hpang n-gup garu yang “Hkri hpa” go wa gata de jung shang wa nga ai. Shat sha ngut ai hte n-gup garu yang wa hpe nlu makop ai hta n-ga, wa hpe grau jahten hkra chye nga ai. “Mayu e tsun ai lusha ni sha ngut ai hpang na-yi hkum chyen mi hte na-yi hkum mi lapran hta n-gup n garu yang gaja ai, n-gup na hkri hpa rai ni hkoi mat jang bai garu yang gaja nga ai.”

  N-gup garu na shong e wa htu tsi ko hka yi madit ra ai kun? Wu Gye tsun ai, mayu e n-gup garu na shong e wa htu tsi ko go hka madit nna garu, shing n rai n madit ai garu yang n-gup grau jasan ya lu nga ai. Hto myin wa htu tsi (脱敏牙膏) hte Muibe wa htu tsi (美白牙膏) go n-gup garu na shong e hka n madit yang gaja nga ai, wa htu tsi ndai ni go hka nlang ai mai garu nga ai, hka madit nna garu jang go akyu grau nrong mat nga ai.