Hpungtang hpaji ginra景颇科普

Tingrat si hkai sha hpaji

种植泥猴桃知识

时间:2019-08-23 16:06:24 来源:德宏团结报

  (Shata 8 pro 14 ya na do)

  Hka gon hkang aten, Chuhung tingrat si hkun hkro lam htang ai byin, hka moru htang ai nau n byin re ai masa ko hkan nna, shingrai lamu ga ko hka rong shadang htam 100 na 55 n mai yom ai, hkun hkro ai masa ko yu nna hka mai bang nga ai. Gahtet gatsi shadang tso hkun hkro ai lado ko hka lo wa dat bang ra ai. Grau nna go shata 6 ko nna shata 8 laman hta, lama na matut manoi rai marang htu jang, hka ni atsom gok kau ya ra ai, ru pot yat tsam ana byin na htang ra nga ai.

  Tingrat si go 3 ning lado ko pu pu si lik lik wa sai. Pu pu ai hpang hpa majo masha nan mangui pu sa shakap ra ai rai kun?

  Si lik lik aten ko gara hku namhpun gat gon lajang na rai kun? Gara hku nna Namsi hpun hpe akyu namshum ama hkam ya nna si lo wa si shangun na rai kun? Matut nna yu yu ga.

  Tingrat si matut hkai ai 3 ning a hpang,si chye si sai, mu mi na si si shadang go kungkyin 100 du ai, 6 ning a hpang go si grai lo hkra si sai. Mu mi hta kungkyin 300 jan dang lu si nga ai, bai nna matut hkai ai namsi hpun go 20 jan ning dang lu hkrung nga ai. Raitim, si lo wa si na rai jang go pu pu si lik lik ten ko atsom sha gon lajang ra ai.

  Shata 3 si de, tingrat maku ku aten ko, namhpun galang mi gat ya ra ai.Hpun mi hta Nyausu namhpum 0.5 bang, dai hpang ga hte bai magap dat ra ai. Nam- hpun gat ai hpang, tingrat hpun namhpun lu marop la na matu, hka bai bang ya ra ai.

  Shata 4 pro de, tingrat pu pu wa ra ai, pu nau lo jang akyu namshum grai shama nga ai, dai majo ndai aten hta go pu nkau mi la kau ra ai. Tingrat pu la kau ai shaloi, pu gaji, shingtai shingko ali ana kap ai pu ni la kau ra ai, bai nna lakying ndung na pu mung la kau ra ai.

  Mayu e, si si na lakying langai mi ko pu 3 ko nna 5 dang ngam ton jang rai sai. Tingrat pu la kau ai hpang, tingrat pu pu an wa ai aten bai du sai, tsom la ai pu ndai ni go manam pyo ai bo bat hkrai rai nga ai. Asan nga ai manam bat go masha hpe hkam sha shangun nga ai. Ndai aten hta tingrat si hkai ai htinggo ni go mangui pu shakap ya ra sai. Yong go bai san na ra ai, mangui pu shakap ai go lagat ni a bungli n re yi, hpa majo masha nan mangui pu shakap ra ai rai kun?(Bai matut hti ga)