Hpungtang hpaji ginra景颇科普

Namsi hte namlap simai sha jo jang “Kro jasan” lu nga ai

多吃水果蔬菜有助于清热解毒

时间:2019-08-23 15:47:25 来源:德宏团结报

  Helungkyang namtsi dakkasu jong ni a nambat langai tsirung namta sumru tsi sara gaba, mungkan namtsi ponghpom rapdo lusha hte tsi tsi ladat jep dinglik laksan sumru hpung ningtau wa Nye Hung hpe san yu ai lam:

  Yi-nam lado hta go gahtet hkun hkro la nna, kro gahtet ra nga ai. Namlap simai hte namsi namso ni hta go hka rong shadang tso nna,“Wan shakop laknak” ngu nga ai, dai rai yang namsi hte namlap simai yong go“Kro jasan” lu ai n rai nga ai, sha jo jang she akyu rong ai. Tsi sara gaba Nye Hung tsun ai,“Kro gahtet”ai ngu ai go masha a hkum gata na amyu myu ni n rap ra ai majo re, machyi kumla ni go: Myi hkye nna bum, n-gup jut hpye yat, wa machyi, mayu machyi, nam sa yak re hpe ngu ai re. Lawu de sara gaba Nye Hung shachyen ya ai namlap simai hte namsi ni tsun dan na, yi-nam lado hta sha yang akyu rong nga ai.

  Gyinshau si: Gyinshau si go gahtet ai shakop jit sa manu shangun nga ai. Gyinshau si go dui nna lagyi nhtom, gahtet shakop ningtuk sho, jit sa manu rai nga ai majo, yi-nam lado hta gaja dik ai namsi rai nga ai. Mayu bum machyi, n-gup shakrui tu, jit lam ana lu nna “Kro gahtet” ai ni go lo sha yang gaja nga ai.Dai rai yang gyinshau si go jit sa manu nna, sade n-gun yom ai ni nau n mai sha dinglai nga ai. Gyinshau si htang jahkai tso nna jit dui ana lu ai ni mung sharam sha ra nga ai. Bai sinpai kumpai ni n gaja, kro lagyi ai gumgai dingla ni, pu kan n-gun nau n ja ai ma gaji ni go, nau sha dinglai jang sinpai kumpai ni jahten hkra ya wa nga ai.

  Mago si: Sinwop madi ya nna myit shapyo ya lu. Mago si go jahku grai lo nga ai majo,“Manan hka pong”nga ma ai. Namtsi hta tsun ai, mago si go dui nna loi hkri, lagyi ai bo lusha re, kro jasan ya ningtuk sho ya, kro madi ya, salum shazim ya re akyu rong nga ai majo, sinwop hte nsa lam a matu akyu rong ai hta n-ga, lusha rin mani garum, n-gup mu shangun rai nga ai. Mago si sha yang go mayu hkun hkro gaya, mayu krop, jahkru re manghkang ni hpe hparan ya lu nga ai. Mago si hpe chyahkut nna sha, byin htang shing nrai lagat jahku bang nna shadu shage ton nhtom sha yang, sinwop gahtet nna jahkru ai lam tsi lu nga ai. Mago si a hpan lo la nga ai rai yang, ahpyi hpa ai bo mago si go grau gaja nga ai.

  Tingrat si (Mihuhtau): Kro madi ya nna nam sa manu shangun nga ai. Tingrat si go loi lagyi ai bo namsi re majo, kro gahtet ai shakop ya nna kro madi shangun, kro jasan ya lu nga ai. Kro gahtet ai ni hta nong e mu ga ai kumla go hkyi chyat chyat nga ai. Tingrat si sha yang go masha a hkum hta hka shalo ya nna, nam sa manu wa sha- ngun nga ai majo, maidang shakrui tu wa na htang maja kau nga ai. Dai rai yang tingrat si go loi hkri nna nau sha jang masin hku ko gahtet wa nga ai. Lani mi 2~3 sha mai sha nga ai. Nau sha dinglai jang go sinpai kum- pai ni jahten hkra wa nna, kan machyi, kan mase re kumla pru wa nga ai.

  Kongkang simai: Sin hta wan rong ai sho kau lu nga ai.Kongkang simai go“Shat dap na tsi gaba”ngu ai shingteng a- mying lu nga ai, shi go mayu hkam ja, myi mu shangun, sai shagrung ya sinpai hkam gaja ya, jahkru jasim jit sa manu ya, sai shanyem ya re akyu ni rong nga ai majo, sin hta wan rong, mayu hkun hkro, bo machyi, jit ahkye re kumla ni jasim ya lu nga ai. Bai nna kongkang simai go manam pyo nna masha hpe n-gup mu shangun nga ai. Kongkang hpe beho hte rau gangau sha, mago si hte jahku pyip lu, ga lasi bang nna gayau sha rai yang hkum de grai wa nga ai. Kongkang simai go sai tso ai ni sha yang grai gaja nga ai, sai shanyem, myit shazim lu nga ai.

  Nongnai simai: Kro jasan wan shakop. Namtsi hta tsun ai,nongnai go sai lagyi la nna, salum sade hta akyu rong nga ai. Nongnai simai hta wuisinsu K lo htam rong nga ai majo, sai- lam hkam ja na hte sai shangap ya lu nga ai majo, ladi sai pru, sai madon, sai hkyi ni re ni lo sha yang grai gaja nga ai. Lama n-gup hte shinglet ko shakrui tu, n-gup ko shapong tu, wa watung sha nna bum machyi re ni go, nongnai simai sha yang wan shakop lu nga ai. Htang hkye nbo n-gu hte nongnai ahpa hpa sha, nra hte nongnai shamyo sha, gayau sha shing nrai shadu sha rai yang mung grai gaja nga ai. (Gale ai Nhkum Bok)