Hpungtang hpaji ginra景颇科普

Tingrat si hkai sha hpaji

种泥猴桃知识

时间:2019-08-23 15:46:03 来源:德宏团结报

  (Shata 8 pro 9 ya na do)

  Htingra ta ko Chuhung tingrat si hpun bong mai ma- tut sai.

  Shata 3 nnan do de hpun bong mai matut sai, hpun bong matut jang go, tingrat si si ai lo,madang tso rai nga ai. Bong matut ai shaloi, tu hkrung masa gaja, shingtai li ana n kap, si si lo ai Chuhung tingrat si hpun ko na lakying do la nna matut ra ai.

  Laning mi daram re ai la- kying zen la, zen la ai hpang alawan lajang ra ai. Bai nna zaibru gata ko up ton nna jai lang na matu hkyem da ra ai.hpun bong matut na shaloi,la shapro jang rai sai.

  Chuhung tingrat si hpun bong matut ai ladat go lakying hpe mayoi nna hpun ga ton ai ko tsat dat ra ai. Shong nnan e go hpunbong limi 20-30 daram ko ara sha di zen kau, hpun bong ganoi maren gaba ai la- kying lata ton ra ai. Hpun la- kying ntsa ko na hpyi sep kau, limi 2-3 dang galu hkra mayoi ton masen ton ra ai. Dai hpang hpun bong ntsa ko nna n-htu gasha hte ga dat, mayoi ton ai la- kying hta soi song hkra ga da ra ai, ga ton sai hpun bong ko la- kying tsat bang dat, balastik hte bai gayop ton ra ai.

  Chuhung tingrat si hpun go hpun yi hpun la kaga re majo, hpun bong matut ai shaloi, hpun la mung matut ra ai, hpun yi hpun la a shadon shadang mayu e go 8:1 rai nga ai.

  Hpun la go Moshan sihau (磨山四号) mai lata hkai ai, shi a pupu a ten go hpun yi hte maren rai nga ai. Pu pu aten na nna pu mung lo nga ai, bai nna mangui pu mung kap hkro nga ai.

  Hpun bong matut ai bat 3, 4 ya hpang, Chuhung tingrat si maku ku wa sai, dai shaloi go balasatik ro kau ya ai bungli galo gaja ra ai, shong e gayop ton ai balasatik alawan ro kau ya ra ai. Lama na hpun bong a lawu maga de maku ku wa jang, la kau ya ra ai, rai jang go akyu nam shum chye lahpot mat nga ai.

  Hpun bong matut hkrung ai hpang, hpun bong gasha gon hkang aten bai du wa ra ai. Chuhung tingrat hpun bong gaji gon hkang aten, mayu na gon lajang lam hta lai nna, madung go hpun hkrang hku nna shalat la ra ai. Si si madang tso ai hpun hkrang shalat la na mung gon lajang ai ahkyak lam rai nga ai. Chuhung tingrat si hpun grau gaja ai hpun hkrang go madung hpun langai lakying hpun 2 rai jang go grau gaja nga ai, ndai bo hpun hkrang go grai lu wum tsom nga ai, nbung nsa hkrang nna si si madang mung grau tso nga ai.

  Rai jang go, gara hku shalat la na rai?

  Hpun bong limi 60-80 dang gaba wa ai shaloi, hpun bong makau ko kawa chyen mai jung ton ai, hpun bong hpe kawa chyen ko gyit shakap ton nna,hpun bong ntsa maga de galu wa jang, grang ton ai hpri sumri ko gyit ton ra ai. Chuhung ting- rat si hpun bong gaji nambat 1 shaning lado hta, loi gaba ai lakying zen kau ra ai, madung hpun hku nna shalat la ra ai, prut wa ai maku ni mung ma hkra la kau ra ai, shi lahta de dingyang galu wa na hku ama hkam ra ai. (Bai matut hti ga)