Hpungtang hpaji ginra景颇科普

Yi-nam lado hta namlap simai lo sha ra ai

夏季要多吃蔬菜

时间:2019-07-16 16:45:56 来源:德宏团结报

  Yi-nam lado hta gahtet sa-up la nga ai.Laksan hpaji masha ni madun shapro ai, nau gahtet jang go masha a hkum gata na gahtet gatsi shadang jahtuk ya, lusha rin manyi hkrang, laso lasa hkrang, jit bong jit lam re ni a n-gun hta wahkya hkra nga ai majo, nong e n-gup n mu, yup n pyo, puba la, bo sin bo kang machyi, kro hkun hkro re kumla ni pru wa nga ai.

  Ndai shaloi, namlap simai lo sha yu u. Ta-len tsi dakkasu jong nambat langai tsirung na namta hpaji gok tsi sara ni tsun ai madat yu ga. N-gyin si N-gyin simai go yi-nam lado hta na simai ahkyak re, n-gyin sha yang hkum de hka shalo la, ninghtuk shapro dat, wuisinsu jat la, man shatsom rai nga ai.

  N-gyin hta hkyenwuisu lo nna, yi-nam lado hta nam sa yak ai hpe awai ya lu nga ai. N-gyin na hkai hoiyiloyesungjisu (开环异落叶松脂素), loye sungji su (落叶松脂素), sungji su (松脂素) ndai myu 3 rong nna, mayat tsip ginsa ana, chyu ginsa ana, hkanggong ginsa ana hte pujat ginsa ana re ni byin wa na hpe maja kau lu nga ai.

  N-gyin ko na chyisu myu mi go yidausu abyi pru wa na hta akyu rong nna, jit dui ana tsi garum ya lu nga ai. Bai n-gyin go tan-guchun mung shagrit kau ya lu ai hta n-ga, sade mung makop ya lu nga ai.

  Yi-nam lado hta n-gyin lo sha yang akyu lo lo rong nga ai. Mahkri sum Mahkrisum go loi hkri dui nga nna, shi gata na hpyinko son (苹果酸), linmung son (柠檬酸) re ni go shat kan gata na hkri hpa jat ya lu, shatkan n-gun jahtuk ya rai nna, shatkan gahtet nna hpang gara, n-gup n mu re hpe tsi garum lu nga ai hta n-ga, tan-guchun a rong shadang mung shanyem kau ya, sailam shakya ya lu nhtom, gai hte hpri marop la na n-gun shaja ya rai, shatkan sau hte danbeji rin manyi garum ya lu nga ai.

  Shing rai, yi-nam lado hta n-gup n mu ai ni mahkrisum simai galo sha na, ga shadon na mahkrisum hte udi gangau, mahkrisum simai shadu sha, mahkrisum gayau sha rai yang n-gup mu lu nga ai.

  Bai mahkrisum hta go yat rai htang maja ai bo —— Hpanhkyehungsu (番茄红素) ngu ai rong nna, ajan re ni man hkan lam hkra wa na hpe makop kau ya nga ai majo, man hkalung tsom nga shangun nga ai.

  Shaba si Shabasi go ningtuk sho ai asung rong nga ai, sai shabra ya, bum jasim ya, pukan hkam gaja ya re akyu rong nga ai. Shaba si go loi lagyi ai bo lusha re majo, maidang shakrui tu nna sai pru, kro gahtet nna nam sa yak re ni sha yang akyu grai rong nga ai. Shabasi hta go lohtam ai wuisinsu P rong nga ai, masha a hkum hkrang gata na sainu shada gumchya hkat na n-gun shaja ya lu nna, sailam ningwat n-gun mung shaja ya nga ai nga yang, sailam makop maga ya lu nga ai.

  Namta sara ni shadum ai, shabasi hpe sau nau sau ai hku hkum sha, namta jahten hkra ya wa ai, san san sha di gangau sha yang gaja nga ai. Sana Sana simai sha yang go gai jat la lu nga ai majo, nra hte awa tu gaja wa na matu akyu rong ai hta n-ga, masha hkum na gai yom mat wa ai hpe mung shagrung la lu nga ai.

  Sana simai hta go hpri jahkai lohtam rong nga ai, gai hte wuisinsu K go sai galo la n-gun grau nna ja wa shangun nga ai majo, salum a shamu shamot ai lam grai man wa shangun lu nga ai. Sana simai hta hkyenwuisu mung lohtam rong nga ai majo, hkum gata na maza mala ni shinggan de shapro kaunna, kan chyat wa ai hpe mung htang ma ja lu ai. Sana simai go ana ning tuk htang ma ja, ana sat ai hte ningtuk sho kau ya re asong mung rong nna, kyit dut re pukan ana hte ningtuk ko nna byin wa ai dongkat ana lu ai masha ni lo sha yang, tsi tsi ya ai akyu rong nga ai.

  Yi-nam lado hta namlap simai lo sha ra ai Hkanghka si Yi-nam lado hta go gahgtet la nna, masha kro gahtet ra nga ai, hkanghka simai sha yang go gahtet shakop ya, n-gup mu wa shangun rai nna lusha rin manyi garum lu nga ai majo, machyi ana htang maja na matu n-gun grai lu nga ai, shi go yi-nam lado na simai gaja re.

  Hkanghka si mai hta lo htam ai wuisinsu amyu myu rong nga ai majo, masha hkum de ana shang wa na hpe ninghkap kau ya lu nna, masha hkum hkam gaja wa shangun nga ai.

  Bungsap si Bungsap simai hta go hka grai rong nga ai, masha nkau go bungsap si hpe“Num tsom simai”nga ma ai.

  Yi-nam lado hta salat pru lo nga ai, bungsap simai sha yang go hka jat la lu nga ai. Bai bungsap simai hta go lohtam ai n hprang rai, tu rai gumchya jahku, htang jahkai re rong nga ai, masha hkum hpe gashing hkra ya nna, ningtuk htang maja, ginsa ana htang maja re akyu rong nga ai. (Gale ai Nhkum Bok)