Hpungtang hpaji ginra景颇科普

Yinam ta lu sha hta “Mai masum n mai masum” matsing da ra ai

夏季饮食有讲究牢记“三宜三不宜”

时间:2019-07-16 16:44:00 来源:德宏团结报

  Yinam ta go gahtet nna, malu masha ni hpe man man n mai lu sha ai lado rai nga ai, shat n kam sha, hte lu sha re masa pru wa chye nga ai, dai hta n-ga lagyi laga re sha hpa ni mung sha shalo kau rai wa chye nga ai, ndai ni go hkamja na matu akyu n rong ai. Yinam lado hta ganing di lu sha yang hkrak na kun? Lawu de yu yu ga.

  Namsi namso namlap simai mai lo sha ai

  Yinam lado hta jan gahtet nna, masha hkum hkrang gata na ntsin hto lawan ai majo, malu masha ko nna ntsin lau lau jahpring la ra ai, ntsin lo lo lu ai hta lai nna, ntsin grung ai sha hpa ni mung lo sha, kumgyin hte namlap simai ni lo sha rai ra ai. Ga shadon, gyinshau si, hkrangpu tsit, hkrang pu, hkrang kai, kumgyin, mahkri sum re ni. Grau nna go nsam htat ai namsi namso hte namlap simai lo sha ra ai, ga shadon hulobu, mahkri sum htoi mahkri sum hkye, salui si re go, wuisinsu, nhprang rai hte hkum hkrang hkamja na matu akyu rong ai arai ni lo lo rong ai majo, shani shagu sha yang, ana htang n-gun shaja ya, salum sailam ja- hkam shaja ya among ana htang maja ya rai lu nga ai.

  Gahtet shakop mai ai

  Yinam lado hta gahtet shadang tso ai majo, masha hkum hkrang nsa grai gahtet nga ai, hkum hkrang gata na gahtet nsa hpe hkum hkrang ko nna n lu htok shapro kau dat sa yi nga jang kan chyat, byinsi tu, n-gup shinglet hpye gahpro wa re mang- hkang pru wa chye nga ai, yinam lado hta malu masha hpe asan ngu nna galo sha nna, gahtet shakop ai hpe madung shatai ra ai. Ga shadon nhkrang lahkong, duya, panglai makrat, makrat, kamu, kumgyin, hkumlitsun, sagyi si re ni go gahtet shakop ai sha hpa ni.

  Shatkan gaja shangun mai ai

  Yinam lado hta masha hkum hkrang kan hti lawan ai majo, shat kan n-gun mung shawoi na hta kya mat wa sai, shat kan a lit shatsang ya, shatkan hkamja ama hkam na matu, shatkan ku ai sha hpa sha ra ai, ga shadon kya ai, asan nga ai sha hpa ni, ga shadon shagyi, yenme, naitung, nongnai si re shatkan jahkam shaja n-gup mu wa shangun ai lu sha hte hpa malum sha yang, shat kan hpe atsom sha ku shamai la lu nga ai.

  Jap ai sau ai n mai sha ai

  Yinam ta gahtet nna, masha hkum- hkrang kro gahtet loi ai, jap ai sha hpa sha yang hkum hkrang gata na gahtet nsa hte ningtuk hpe grau jasong dat chye nga ai, dai majo jap ai sha hpa ni hpe sharam shing nrai n sha rai yang grau gaja ai, ga shadon hoko chyajap re. Bai nna sau sau ai lu sha mung sharam sha nna salum n sa shanum ya ra ai. Lama sau nau sau ai sha hpa sha sa yi nga jang shat kan a lit shali kau ya nna, kan chyabung, shat n kam sha, grau pu ba wa rai chye nga ai, dai majo sharam sha ra ai.

  Yinam lado hta go namsi namso namlo namlap simai lo ai re nga yang, shinggyim masha ni go namsi namso, anga ni hpe ga- tsing sha na grai sharong nga ai. Rai yang yinam lado hta go gahtet ai re nga yang, myu shagu re ana ganu hte shingtai ni mung brat loi dik nga ai, lama malu masha ni hpe n jasan jaseng sha jang go, ana shakap la wa chye nga ai. Yinam lado hta go salat hto nna hpang gara la chye nga ai, ma ja e lagyi ga- tsi ton ai lu hpa n mai hte lu bang la ai, shatkan hpe gasheng hkra nna, shat kan ntsin abyi shapro dat na hpe chyinghkyik hkra ya sai majo shat sha lagon mat nhtom, shat rin n gaja, shat n kam sha, kan chyabung machyi, kan mase re pu kan ana byin pru wa chye nga ai.

  Htang rong ai lu hpa n mai lu shalo ai

  Yinam ta hta shinggyim masha ni go hpang gara shamai na matu, htang rong ai lu hpa grai lu sharong nga ai, dinglik yu nna chye lu yang, htang rong ai lu hpa lu shalo jang go wa watung sha wa, hpum dinglai wa rai nna, hkamja wa na hpe chyinghkyik hkra kau ya sai, dai majo sharam lu ra ai. Hka hpunlum go gaja dik ai lu hpa rai nga ai da, ntsin go hkum hkrang gata arai htok shapro, hkumhkrang gahtet shadang jahtuk jahkrak ai hte manyen ya re akyu rong nga ai. Shani shagu ntsin grung grung lu, galang mi gachyi chyi lu lo lo lang lu yang hkrak ai, hpa-lap ntsin, lasi tsit ntsin shing nrai yangmui chyahkri ntsin malum lu rai nna hpang gara shamai yang mung hkrak ai.

  (Ngut sai) (Gale ai Maji Htu Lung)