Hpungtang hpaji ginra景颇科普

Hkum hpa machye machyang!

小小知识

时间:2019-07-16 16:43:02 来源:德宏团结报

  Lagyi sadek na manam bat jahkoi na ladat

  Maisau: Lagyi sadek gok shagu ko maisau tong bang ton u, dai maisau go manam bat hpe lu marop kau nga ai, maisau hpe laning mi galang lang galai di u, ladat ndai go loi ai hta n-ga grai hkrak ai.

  Hpa lap: Lagyi sadek hta hpa-lap matep bang ton yang manam bat lu jahkoi kau ai, dai hpa-lap hpe shata mi galang lang galai u. Tsing lu kau sai hpa-lap pa hpe lam jahkro la nna lagyi sadek hta galang bai mai lang ai, ndai hku galo yang gumhpro lu sharam nga ai.

  Namsu: Namsu hpe palin ko ru bang nna magap n-gap ai sha lagyi sadek ko bang ton u, dai shaloi manam bat lu jahkoi ai, namsu palin gadong hkra na sadi u.

  Luidui si hpyi:Luidui si hpyi hpe lagyi sadek jak ko bang ton yang, manam bat lu jahkoi ai, laban mi galang mi galai jang rai sai. Lama lam jahkro kau sai luidui hpyi rai jang go laban lahkong masum hta galang mi galai jang rai sai.

  Ningmung si hpe apye apye di ahkyep la nna lagyi sadek jak ko bang ton yang manam bat lu jahkoi ai.

  Galoi mung gatsut ga- shin: Lahkong masum ya rai jang, lagyi sadek gashin nna sanseng galo jang lagyi sadek jak hta bat nchye manam ai.

  Hpa-jet bang ton: Lagyi sadek jak ko hpa-jet shing nrai basi sumpan bang ton yang mung manam bat lu marop kau ai, dai hpa-jet hpe laban mi galang mi gashin lam jahkro ra ai.

  Bai nna galo ton chyalu re lagyi sadek bat jahkoi tsi mari bang tim mai ai, rai dut seng shagu ko dut ai, dai hpe lagyi sadek ko bang ton jang manam bat hkoi lu sai.

  Shat gok na manam bat ni hpe shatsai kau na ladat

  Shatkok na manam bat:Lu sha bang ai shat kok go lang ai tong ya mi rai jang, tsu bat chye manam nga ai. Bat ndai hpe n-gu gashin ntsin hte manit 30 tsing ton jang, tsu bat lu sha- tsai kau sai.

  Nga ningsing bat: Nga ja- hkai gashin lajang ai hpang, ata, punhtau, htumhpun hkan nga ningsing chye manam nga ai. Dai bat hpe tsing lu kau sai hpa- lap pa hte gatsut gashin yang n manam mat sai.

  Maza ntsin lai mahka manam bat: Sanseng galo yang shat gok na maza ntsin lai ma- hka sanseng na lahka malap kau rai nna bat manam nga ai. Dai shaloi jum ntsin ru shalai bun jang, manam bat lu tsai sai.

  Ko bu na bat: Ko bu, ko shat kok ni mung lang ai ten na jang simai bat hte sau bat manam chye nga ai. Dai shaloi, chyinghkrang hpro dumdin, hkanghkyi pot hpro hpe atok manyi la nna kok hkan lanyi mi shachyip bang ton jang, manam bat tsai lu sai.