Hpungtang hpaji ginra景颇科普

Maju kawa hkai sha na hpaji

种麻竹方法

时间:2019-01-08 16:28:55 来源:德宏团结报

  (Shata 1 pro 4 ya na do)

  Makru Chyahkro Galo Na Ladat

  Makru chyahkro galo na rai yang, makru hpe shong shadu la ra ai, makru shadu na shong e, makru a shadang ko yu let, mida 1—1.5 daram tso nna dinghkren shadang go ma- kru shadu ai ndi a dinghkren shadang hte loili gaji re bung- hkrong hkrang hpun nta shong galo la na, hpun nta dai hpe makru shadu ai ndi ko shadun bang ton nna, di gata htumpa ko ahku hku ai kawa htaihpya nyep madin kau na, dai n rai yang makru ndi hte gayep hkat nna hkat mat chye ai. Dai ma- kru tong hpe gata de bang nna makru ndung hpe ntsa ko bang rai hpun nta ko tso lai hkra bang na (Di mi hta makru Gyin 300—500 daram shadu na), ntsa ko nailung sumpan hte atsom magap shachyip kau ai hpang, ndi ko ahka Gyin 10 daram bang rai wan wut nna mai shadu sai (Mayu e go na-yi hkum 2—2.5 daram shadu jang hkut lu sai). Makru shadu hkut ai hpang la shapro nna shakop ton na, shing n rai hka gatsi ko   tsing shakop la nna htaihpya ko lam ton na, lam ai shaloi makru tong hte makru ndung hpe gaga ga di lam na, lani mi lam nhtom makru tong hpe gangga nna dip shapyet kau na, makru ndung hpe bai rai jang alam alam di mai gong lam ton ai. Shana de shu la ai hpang hpun nta, kagam yam, shing n rai palasatik buri ko atsang atsang di gahtap bang dip ton nna atsom magap shachyip kau na, hpang shani bai sa sho lam na, mayu e go 4—5 ya daram lam jang hkro lu sai. Ramdo hkro jang makru hpe apreng sha di gang malan dip ton na, ndai zon re hpe go lahta na zon di n magap ton ra sai. Lam jahkro la ai hpang, makru pye, makru ndung, ma- kru hpyi re ni hpe palasatik buri hta atsom bang ton nna mai dut sha sai. La-ma lamu mung marang htu rai jang go, hpun nta, kagam yam, shing n rai palasatik buri zon re hkan atsang   atsang di gahtap bang nna nlung zon re ni hte dip gamyet ton na, ndai bo ladat hte shata 1—2 daram du hkra n hten mat ai lu ton da nga ai, dai hpang lamu hpong tsom jang bai sho lam la na. La-ma makru hpe yen nna bai lam jahkro la na rai jang go, shadu hkut sai makru tong, makru ndung ni hpe hpun nta, kagam yam, palasatik buri, shing n rai makru yen bang na matu galo hkyem da ai hka nong zon re hkan gahtap bang nna atsom magap ton ai hpang, nlung zon re ni hte bai mara dip ton na (Dai ko zolau rai nkai hpa mung n bang ra ai), ndai zon gachyi mung n shamot hkra ai sha nhtoi 8—10 ya daram yen ton ai hpang sho shapro nna, lahta e tsun ai ladat hku bai lam jahkro la jang rai sai.(Ngut sai)Gale ai Zinghtung Ma Sam