Hpungtang hpaji ginra景颇科普

Machyi n na ai ginsa ana kumla 7 hpe sadi ra ai

治愈癌症的七种方法

时间:2019-01-08 16:26:53 来源:德宏团结报

N machyi ai sai jit ji Sai jit ji nna kan go bai n machyi re go sade ginsa ana, jit bong ginsa ana byin wa ai nnan do na kumla re. Lama kan htumpa machyi nna sai jit ji re go jit lam ko nlung rong ai majo rai chye ai. Shingrai, maren sha sai jit ji ai ana raitim, laja ai hte n laja ai lam n bung ai majo, kan htumpa machyi n machyi ko hpaga nga ai.

N machyi ai sha chyu ko lapau wa Chyu ko lapau rong wa nhtom, machyi ai go n na, ta hte masop yu yang go gumdin gumhkak nga nna, shawoi na hte shai nga ai, ndai zon re kumla go chyu ginsa ana byin wa ai re.

Lahprang hku sai pru nna machyi ai go n na Hpomi gumgai ni, lama agajong sha lahprang hku sai pru nna machyi ai go n na re kumla pru jang, pujat mahka shing nrai pujat ginsa ana byin wa ai re.

Machyi ai n na ai nyep ko sai lom Bo, mayu hte ladi machyi ai kumla n nga ai raitim, anyep ko sai lom shing nrai sai tong lom pru wa, ndai zon re kumla go ladi ginsa ana byin wa ai mahkoi rai sai.

Hkum shan ni machyi ai n na ai mazut matsat rai wa Lo malong go myiman hte ata hkan, shan hpyi ni gumdin nna machyit marut rai, nkau hkan go ara sha rai, nkau hkan go lapau rot wa, ntsa lam hku nsam mut htoi shing nrai chyang mang re ahpyi lam mi kap nga ai, raitim machyi ai go n na ai, ndai go shan hpyi ginsa ana byin wa ai kumla re.

Hkinnang nu wa Kan shingjut, nhka htumpa, gahpa npu, du, du hkrung, na makau hkan machyi ai go n na ai hkinnang nu gaba wa re hta n-ga, ja gumhkak rong nga, gaungui na byin wa ai Linba si pau sai hpro ana (慢性淋巴细胞白血病) shing nrai Linba bum lapau ana (淋巴瘤) byin wa na hpe sadi maja ra ai.

  N machyi ai shat kan hpye wa Gumgai dingla nkau go shat kan hpye ana lu ai shaloi, kan machyi re kumla n rong tim agajong sha sai hkyi nyi wa rai nna, jep yu yang shat kan hpye ana rai nna shat kan ginsa ana tai mat sai nga nna jep shapro nga ai. Dai majo, gumgai dingla ni hkum hkrang jep ai shaloi, shat kan hpe jep na n mai malap ai.