Hpungtang hpaji ginra景颇科普

Luihkri hkai sha hpaji

种柠檬知识

时间:2018-12-05 16:13:43 来源:德宏团结报

  (Shata 11 nhtoi 30 ya na do)

  Htang maja tsi lajang ladat:

  (1) Shingtai e sha jahten kau sai apu majo ni hpe lawan wan di lajang kau na. Luihkri apu pu na shong e apu hpe shingtai sha jahten kau ai mu jang lawan wan di lajang kau ra ai, shing rai aga hkan run hkrat nga ai apu ni hte rau masom la nna sung sung htu lup kau shing n rai nat kau na;

  (2)Apu majo nnan kra wa nna shingtai ganu ni adi di ai shaloi, tsi n-gun ja nna ningtuk nau n rong ai bo hkaimu lang tsi gat bun na, 7-10 ya daram din jang galang mi gat bun na, 2 lang gat bun jang rai sa.

  (3)Luihkri hpun apu majom wa ai shaloi, hpunpot ko palasatik tsop hte chyip chyip gamyet magap kau nna, shingtai gasha ni hpe saup sat kau na.

  (4)Nshung lado hte htingra lado hta yi chye lajang nna, shingtai ni hpe lam sat kau na.

  Luihkri Si Di Na lam

  Luihkri si galoi aten di na go lam 3 hku nna mai yu nga ai: Lam mi go asi a dinghkren shadang Haumyi 40 daram rai jang mai di la sai; Bai lam mi go asi a nsam nau n tsit mat jang mai di la sai, luihkri si a myin shadang hpe grai tsit, nau n tsit, mut tsit, htoi hkye re nsam myu 4 hku nna garan gin- hka ton nga ai. Bai nna lam mi go si ntsin rong shadang hpe yu na, si ntsi 30% daram rai jang mai di la sai.

  Ya yang na gat ya hta dut lu dut sha ai luihkri si go, dinghkren shadang Haumyi 40 daram re hkrai rai nga ai, asi a nsam mung grai tsit ai ko nna loi mut tsit wa jang di la kau sai.

  Luihkri Si Di Aten

  Luihkri go laning mi tup apu pu nna asi chye si nga ai, dai majo luihkri si hpe mung tsomra lang di la ra nga ai. Shata 4 hta apu pu nna si ai asi hpe go, shata 10 si do ko nna shata 11 shagong do hta mai di la sai; Shata 6 hta apu pu nna si ai asi hpe go shata 12 ko nna hpang shaning shata 1 pro laman hta mai di la sai; Shata 9-10 laman hta apu pu nna si ai asi hpe go, hpang shaning shata 6 shagong do ko nna shata 7 pro laman hta mai di la sai.