Hpungtang hpaji ginra景颇科普

AUCHYU GYEN KO SI HKAI SHA HPAJI

种植澳洲坚果方法

时间:2018-09-07 15:31:50 来源:德宏团结报

  (Shata 9 pro 5 ya na do)

  3. Npot ko gawa shaza ai shingtai:Shingtai ndai ni go npot hkan rong nga nna jahku chyup sha nga ai, nau n laja ai go wahpun n lu gaba mat, apu asi ni n gaja mat, laja lana re go npot do yat mat nna, hpang ja- htum e go si mat rai nga ai.

  Hkaimu magam hta htang maja na ladat go: Wahpun makau mayan hkan aga htu ginro nna shingtai hpe shara mi ko gahkyin shangun nna, aga li-mi 15-20 daram di sumbum ton ai ko rong nga shangun nna, shingtai byin ai hte aga gata de gano shang ai hpang, galang ta sat samyit kau rai na. Logadat hku sat ai ladat:Asak 1-2 ning du sai shingtai hpe go, gai-manlin (蚧螨灵) tsi jahku 750, koshupau (果树宝) tsi jahku hta hka htam 200 gayau bang nna gat bun yang, asung 95% a lahta de shon lu nga ai.

  4. Hkinchyan ren (丽绿刺蛾), Shaning tup tup byin chye ai, madung go hkinchyanren hkalung ai ten hta lap ginsa hkalung n nga ai yong chye sha kau ai.Gindai ginlang sha akrin akro nga to sai.

  Htang maja ladat: Dibechong tsi ko hka htam 1000-1500 bang gayau nna, hkinchyanren hkalung ai shaloi gat bun kau yang maja lu ai.

  5. Kyi-ma shingtai (蓟马) :Shingtai ndai bo go lap hkinlung hte matsun ni hpe sha shaza nga ai.Shaning shagu na shata 4 ko nna shata 7 shagong de hte shata 9 ko nna shata 12 shagong de lo nga madung ai. Matsun nnan ni hpe sha jahten shaza madung ai majo, auchyu gyenko mung laning mi gade lang matsun tsun re nga yang jahten hkra ai lam grau na-du nga ai.

  Htang tsi na ladat: Htap htuk ai hku nna namhpun gat bang, matsun hprut pru wa ai lam ara sha rai shangun na. Dai hta lai nna, ningshung lado hta matsun hprut pru na hpe shingtang kau rai lu jang go, shingtai nau n sa wa nga ai.

  6.Mu (木蛾): Shingtai hkalung ndai bo go wahpun lakying wa garan ai shara hkan krau shang rong nga nna, wahpun galu gaba wa na hta wahkya hkra, apu pu asi si na hta mung laja lana rai wa- hkya hkra, grau nna go wahpun ro pyi si mat wa chye ai.

  Hkaimu hpaji hku nna htang maja na ladat:Namsi sun gon lajang lam shaja nna, hpri sumri hte shingtai hkalung shangda sai latung hpe achyo sat kau, shing nrai aga hte ahku pat kau ya rai jang, shingtai hkalung hte shangda sai latung ni gata e si rong mat shangun rai na.

  Logadat hpaji hku htang maja na ladat:Shingtai no gaji ai shaloi, 90% re Dibechung tsi jahku ko hka htam 500 bang gayau la, shing nrai 2.5% re Shuhkyin gyuji (溴氰菊脂) tsi jahku ko hka htam 2000-3000 gayau bang tim mai ai, shana de ko nna ningsin sin ai shaloi du wahpun makau hkan hpun hte nyi ai hkan gat bun ton jang, shingtai hkalung ni sa pru sha hkrup jang si mat lu nga ai.

  1.Honchyubyen chong shingtai : Madung go shata 6 ko nna shata 9 laman hta, hpun hkalung hpe sha madung ai. Shingtai hkalung go aga ntsa na shara 3-5 daram hta wahpun hkalung ahpyi ni hta sha rong nga nna, rong sha jahtum kau nga ai, wahpun ni hpe sha shado kau nna, htoi si mat shangun nga ai.

  Htang tsi ladat: Hte- tinglin (特定磷) tsi hpe hpun lakying lashan hkan gat bun ya nna htang maja yang gaja ai, tsi jahku hpe go wahpun lakung hkan arut chya ya rai yang mai ai. 80% re siwuiyin (西维因) tsi ko hka htam 800 shing nrai 20%re myegyuji (灭菊脂) tsi ko hka htam 2000-400 bang nna hpun lakung ko gat bun yang mai ai.

  Sakhkung mungdo na auchyu gyenko hkai ai shara hta mu hkrup ai shingtai shingko ni go kan-gyier cha ya (柑橘二叉蚜), tasoiwo (大蓑蛾), kyi-ma shingtai (蓟马) re ni lo madung nga ai, rai yang jahten shaza hkra ai lam nau n laja nga ai.

  Auchyu gyenko si na shingtai shingko htang maja na lam go, “Htang maja ai hpe madung, gumhpon nna htang maja”re ladat lang na,auchyu gyenko namsi sun a htingwan jahtuk jahtap, hkai shalat gonhkang ai hpe npot shatai, ladat bo magup lang nna, akyu shon, ningtuk nau n rong, agung hkaimu tsi shadang nyem re tsi ni lang sa wa nhtom, nsi shadang hpe NY/T693-2003auchyu gyenko asi shatang dodan ai hta hko hkra di na. (Bai matut hti ga)