Hpungtang hpaji ginra景颇科普

Nmut lado hta gumgai dingla ni a hkumhkrang makop ladat

秋季老人要学会保护身体

时间:2018-09-07 15:29:12 来源:德宏团结报

  Nmut lado go gahtet gatsi shadang lani hte lani lai wa ai hte maren, shani hte shana na gahtet gatsi shadang nbung hkat re majo, loi n maja jang, gumgai dingla ni machyi ana ok loi nga ai. Lawu de sadi lam tsun dan na.

  1. Lu sha jahtuk sha. Gumgai dingla ni go hkum ting ginsa mat wa nna, pu kan n-gun n rong, lama lusha n sadi lu jang, shat kan ana byin chye ai. Dai majo, nmut lado hta gumgai dingla ni lusha hpe galang ta nau n hte sha ai sha, lani mi gade lang sha re ladat lang na, rin mani loi ai hkut ai akya re lusha ni lo sha na. Bai nna, nmut lado hta hkun hkro la re majo, sinwop de akyu rong ai lusha lo madung nna sha ra ai. ga shadon, mago si, be ho (百合), maidung(麦冬), naisam, wa sinwop, nongnai re ni lo sha ra ai, hkum de wa ai namtsi re hpe hpa malum sha shing nrai tsa tsing lu yang mung gaja ai, ga shadon gugyi hpa (枸杞粥) hong gyinhpa(黄精粥), yi ju tsa (玉竹酒), sabyin si tsa re ni.

  2.Hkum hkrang shaman shaja. Nmut ta hta nbung gatsi hkum de shang nna masha hpe jahten hkra nga ai, grau nna gumgai dingla ni go ana htang n-gun yom sai majo, bu hpun palong lum lum hpun ra ai, mayu e hka lagyi hte myiman myit, ladi gatsut shing nrai hka shin rai nna, ningshung hkam n-gun shatso la rai nhtom awo hpe htang maja na.

  3. Ana ahkya htang maja ① Nsa lam ana: Gumgai dingla go sinwop, nsa lam ana htang n-gun yom wa nga ai, dai majo, nmut lado hta awo, jahkru ok hkyet, sinwop bum, sinwop salum ana re ni hpe htang maja ra ai.② Pu kan ana: Gumgai dingla ni go n-gup nmu lusha rin n-gun yom rai chye nga ai, nmut lado hta kyin dut re hte a lanyan re pu kan ana, lu sha rin n-gun yom re hpe htang maja ra ai. ③ Salum sailam ana: Nmut lado go salum sailam ana byin lo ai lado re, gumgai dingla ni ndai lado hta sai tso ana, salum magra machyi, salum sailam pat ana re ni hpe htang maja ra ai. ④ Nmut hkun- hkro: Nmut lado hta nbung nsa hkro nga ai, dai lam ni go gumgai dingla ni hpe wahkya hkra nga ai, ladi hkro, nten hkro, mayu hkro, hpang gara, jit n lo, hkyi chyat chyat grau nna go mayu krop, mahka ko sai lom re ana amyu myu byin chye nga ai, dai rai sadi ra ai.