猪胆可以治病知识 Wa shagri hte du sat ana amyu myu mai tsi ai hpaji - 景颇科普 - 景颇文-德宏民语文网

Hpungtang hpaji ginra景颇科普

Wa shagri hte du sat ana amyu myu mai tsi ai hpaji

猪胆可以治病知识

时间:2018-07-18 10:48:04 来源:德宏团结报

  1. Wa sat ai shaloi, wa shagri gan sho la nna no lum nga yang lasi tup hkra bo bang ton nna, nbung hkrang ai shara ko noi jahkro ton na. U hkai gasha ni dongkat ana byin ai shaloi, lasi dai sho la nna rin mani ai hpang, U shat ko gayau bang nna, lani mi 3 lang yo na, U gaba hpe go htam mi lo jat jo na.

  2. Wa shagri gata ko kop la kau ai la-son hke 20 hpe rin mani bang ton nhtom, na-yi hkum 24 a hpang, di ko wan yat yat sha wut nna gangau jahkro la nna, htu mani la nna pong gata ko atsom bang ton da na, U ni mayu machyi ai shaloi, U langai mi hpe lani mi 3 lang lang garan jo na, matut manoi 2~3 ya jo jang mai sai.

  3. Wa shagri langai ko, hpyi hkye ai la-son hke 20, lasi chyang shingmun ramdo hte gayau nna, Gumra, Wa, Bainam re shat kan rin mani ana lu yang, galang mi hke 20 jo, lani mi galang lang jo nna, matut manoi 5 ya jo jang mai lu sai.

  4. Wa shagri jahku hte myitsi n-tsin hpe ramdo gayau la nna U, Wa myi ko bang ya yang, myi hpye machyi ana tsi shamai lu ai.

  5. Bainam gasha, Wa gasha re n-gup hpye yang, Wa shagri jahku 2 lang chya ya yang mai ai.

  6. Wa jahkro hpye yang, Wa shagri langai ko Shigau (石膏) tup hkra anyin bang nna noi jahkro nna rin mani la nhtom, hkyen pa loi bai bang nna, ja- hkro hku ko gawut bang ya yang mai ai.

  7. Wa sinwop hpye ana lu yang, Wa shagri langai ko, lasi hpe a hkyep gaji gaba rin la nna, shagri ko anyin bang nna noi jahkro ai htom, rin mani la nna, Wa gaba hpe go lani mi hke 9~10 jo, Wa gaji hpe go lani mi hke 4~5 jo jang rai sai.

  8. Wa shagri haushin 100, Befan (白矾) hke 50, namsu haushin 200 hpe gayau la nna, haushin 300 hpe galang ta jo yang, Nga Dumsu, Gumra re sin, sinwop gahtet ai ana tsi shamai lu ai.

  9. Wa shagri hte shapre hpe nhtoi7~8 ya ngu na tsing la nna, U langai hpe hkyep 3~5 jo yang, U rum ana htang kau lu nga ai.