Hpungtang hpaji ginra景颇科普

Shu rem shara shingwang lata na ladat

养青蛙要挑选环境好的地方

时间:2018-07-13 17:14:48 来源:德宏团结报

  Shu go hka hte hkarang e nga ai jahkai rai nga ai, laning mi hta lado chyen mi go hka e nga ma ai, ningshung lado hta mung hka gata e nga shalai ai, shingrai hka hte n mai hka ai. Shu hpe rem na mung hka hte n mai hka ai, shu rem na rai yang, shaning tup nhto n-ya rai lui ai hka gaba langai nga ra ai.

  Htingra ten lado hta Shu ni hka hta Shu di di ai, Shu di ni hka ntsa wam nna, kro gaba wa ra ai. Yi-nam ten lado hta Shu ni hka gaba a grup yin deng 2 na bum hkarang hkan wa nga chye ai.

  Masha ni Shu hpe rem na matu, nga ginra shingwang son tot yu ma yang, hka gaba deng 2 a pa man lahkong maga hta rem yang mai na zon non ma ai. Rai yang, gatsi gahtet shadang grit yom ai shaloi, hkarang hta n mai nga mat ai majo, Shu ni hka lui ai shara de ningshung lado wa makoi lai mat chye ma ai, shingrai shu hpe lui nga ai hka hte tek shingdang mai ai ladat gaja nan rai nga ai.

  Bai, hka hkong hka nong hpe pat htim da nna Shu rem ai mung, ndai zon re sak hkrung rai a mabyin masa hpe son dinglik yu nna, dat rem yang mung mai ai, rai yang, kau chyen kaga shara de hprong pru nga mat chye ai.

  Dai majo dat rem na shara lata ai shaloi, hka lui ai npot nhpang hpe laksan hku ahkyak madung la ra ai.

  Lama wa lamu marang yom wa rai yang, hka ni hkyet mat wa loi re shara hta rem ai rai yang, shu di ningnan sha no kro wa ai Maubyin pau ni si htum mat rai jang, htom hpang de na nang a arang gumhpro ni hta hpa akyu n nga nga ai.

  Hka lui shadang nau yom, Shu hpe tek shingdang na ladat nau n manu, ningshung makoi lai na nau n manu ai shara rai jang, Shu ni kaga hka lui manu ai shara de htot nga mat chye nga ai. Grau nna Shu ni hpe hkan rim la lu na, nem tso shadang mung hka hte ahkyak madung seng ang nga ai.

  Rem shabrat shara lata ai dingdo shadon ai ahkyak gaja n gaja go, rem shabrat shara a lakung lama hpe yu nhtom, grup-yin lamu ga hpe mung no yu ra ai, hka lui tsom ai hpe mung grau ahkyak la ra nga ai. Lama grup yin hta grau manu ai shara nga mat jang, nang rem da ai Shu ni dai grup yin na grau manu ai shara de sa htot nga mat chye nga ai. Grau nna go lamu ga pa layang nna nem ai shara ni rai jang, grai hprong mat loi nga ai.

  Shingrai rem shabrat shara lata ai shaloi, man na manghkang hpe sha n mai yu ai, pong gumhpon nna son la ra nga ai, moi shong de Shu ni lo nga yu ai shara hta go, htim rong mai ai shara shingwang gaja nan rai nga ai.