种植薄荷小知识 Gala hpalun hkai sha hpaji - 景颇科普 - 景颇文-德宏民语文网

Hpungtang hpaji ginra景颇科普

Gala hpalun hkai sha hpaji

种植薄荷小知识

时间:2018-07-11 09:52:51 来源:德宏团结报

  (Shata 7 pro 6 ya na do)

  3. Ganing re lamu ga hta gala hpalun hkai na?Hkai shalat sa wa na shong hta ayi ganing di galo lajang ton na?

  Gala hpalun hkai na lamu ga go loi sung htat, aga ginro ga sau rong, hka shalen shapro manu nna hka jo loi, lamu ga loi ra tsom, ajan krung, 2~3 ning daram hta gala hpalun n hkai yu ai zaibru ga shing nrai nau n gumchya ai lamu ga hta rai na.

  Abong hkai na shong e, aga hpe galau gale kau ra ai, mu mi hta yat tsom sai wahkyi wa-hkyi namhpun kungkyin 2000~3000 daram hpe aga gata de galau gale bang ton na. Dai htom, aga hpe li-mi 25 a lahta de bai galau gale nna, gale galau di aga hpe bai galo shara li-mi 1.5 daram re amyuong galo ton, dam de li-mi 40 daram rai na, makau grupyin hta hka shalen shapro kau na hka hkong mung no wo ton ra ai.

  4. Gala hpalun abong hpe gara hku htot hkai na?

  Mayu e go Zhinmin hpang e mai htot hkai sai. Rai yang ginra hte ginra na gahtet gatsi shadang loi shai ai nga yang, lama htingra lado hta ninglum lum lawan ai shara hta go, jau hkai jau prut wa, jau tu gaba tsom wa, shatang gaja nna shadang tso rai nga ai. Gala hpalun abong li-mi 10~15 daram tso jang mai htot hkai sai. Lamu nyip ai nhtoi lata nna, aga hpe galang bai htu ginro na, maza mala namhpun hte aga gayau gaya di nna, galo ton sai amyong ntsa hta bang nna, wa hpun gang de li-mi 20×15, nhku sung de li-mi 7~10, n- hkun mi hta abong 1~2 hkai nna, aga hpe atsom dip nhtom, ahka bai jo kau jang ra sai.

  1. Gala hpalun tu gaba wa ai aten lado hta gara hku gon lajang na?

  (1) Abong hkai jat

  Abong htot hkai ai hpang, nkau mi si mat re lam nga ai, dai hpe lawan hkan hkai jat la ra ai, shing rai jang she tu ra tsom, tu bong tsom ai, mu mi hta wahpun mun 2~3 daram rai ra ai.

  (2) Anam tsan shot lajang

  Gala hpalun go aru apot nau n sung ai tu rai myu mi re majo, aru tu na madung go aga gata li-mi 15 daram hta sha rai nga ai, aga gata na pot lamyi laman ni mung ga ntsa lam li-mi 10 daram hta sha re, dai majo, anam tsan shot lajang ai shaloi nau n mai sung ai, nambat la- ngai lang nam shot tsan ai shaloi go abong tu krung wa ai shaloi rai na. Nambat lahkong lang go wahpun tu wum wa ai shaloi rai na. Nambat 3 lang go gala hpalun dan rep la kau ai hpang e, ginsa ai apot ni tsan gabai kau nna, abong ningnan tu sha- ngun na. Nambat 4 lang go shata 9 daram hta rai na, anam atsing ni tsan lajang, n shot shamu ra ai. Nambat 5 lang go mangai lado htum wa de shata 10~11 hta, gala hpalun shu la kau ngut ai hte galang bai shot lajang nam tsan kau rai na,ana rong ai hkro si mat sai ni hpe tsan gabai kau nat kau ai hpang namhpun bai shatai na.

  (3) Namhpun hkan bang

  Abong tso de li-mi 15~20 du ai shaloi, mu mi hta jit namhpun kungkyin 7~8 shing nrai nta namhpun kungkyin 1500 bang nna, ahka loi bai bang dat rai yang gaja ai. Yi-nam shang wa ai hte maren nambat langai lang dan rep la ai shaloi, mu mi hta nta namhpun kungkyin 1500~2000 bang yang, abong ningnan tu prut pru wa ai li-mi 10 daram hta go, dai makau yang e nhkun htu nna nta namhpun kungkyin 600 daram shing nrai Luson-an (硫酸銨) kungkyin 12 bang ton na. Mangai shang na shong hpang hta nambat lahkong lang ngu na gala hpalun mai dan rep ai shaloi, ladat ndai hku nna namhpun mai sho lang sai. Yinnan ga hta go shaning ting hta gahtet gatsi shadang lum nna, hkyen hkrat htu wa ai ten hta raitim nambat 3 lang ngu na no mai dan di la nga ai, ndai lang hta go nta namhpun hpe madung nna lang na, lama mu mi hta nta namhpun kungkyin 2500 ko yu-hku (油枯) kung- kyin 50 hte gayau ai htom, amyong lapran hta nhkun htu nna bang ton nhtom, hpang shaning htingra lado du jang prut pru wa ai gala hpalun go ara sha rai nna, wahpun gaba lawan rai nga ai.

  (4) Ningdung mahti di kau

  Lamu hpong tsom ai shaloi gala hpalun a ningdung do mahti di kau ya yang, lakying kying lawan nna, nsi lo pru na matu akyu rong nga ai. Grau nna go sha no garan hkai shalat ai abong ni go, tu pru wa la- nyan nga ai majo, ningdung do mahti di kau ya jang, tu wum lawan nna lohtam shu la nga ai.