吃感冒药方法 Awo tsi ladat - 景颇科普 - 景颇文-德宏民语文网

Hpungtang hpaji ginra景颇科普

Awo tsi ladat

吃感冒药方法

时间:2018-07-05 17:26:15 来源:德宏团结报

  1.Sanseng ai hpajet hpe myi-man myit jarung ko hpunlum lum na re hte tsing ton nhtom, ten loi hkring re hte la shapro nna hka shup kau rai htat htat di hkumba nna, machyi masha ni a myi, ladi shing nrai bo, du re hkan mara ya yang, machyi ai jasim ya lu ai.

  2. Sabyi si tsa haushin 25 hpe ndi ko shadu nna, tsa bat hkoi mat ai hpang, udi hkum mi bo gayau bang ai htom, tsaba zun mi bai hkan bang nna loi shadu u, sha na shaloi hka hpunlum hte gayau nna sha u, sha ngut ai htom nba lum lum hpun nna yup la yang, hpang shani go ladi pyik, nyepsan pru, jahkro machyi re machyi kumla ni mai mat lu sai, galang lang chyahtam galang mi sha jang hkrak mai lu ai.

  3. Mago si hkum mi, shanam gatsing hke 25, dai hpe ahpa sha mot nhtom, hka wan mi hte shadu nna, galang ta ma-hkra lu kau yang awo wo ai mai lu ai.

  4. Gaubong hpro hke 100, shanam gatsing pa 3, shadu shing nrai hpunlum hte tsing lu u. Dai nrai gaubong hpro hke 20, shanam pa 5, jumdui zun mi, hpalap loi mi, hka wan mi hte shadu lu yang mai ai.

  5. Ga lasi kop 20, gaubong gaba npot lom ai hkinlang 3, hka hte gashin shatsom kau nna, ndi ko hka bang nna prut ai htom, wan gaji kau nna manit 15 daram bai shadu nna, gahtet nga ai shaloi alawan lu dat nhtom, htinggrum hpui rai yup nga u, dai shaloi salat loi pru na ra ai. La-ma kro matan, madon mayu re machyi kumla rong jang, shaman pa 4 bang jat u, bai mayu machyi, jahkru re lom jang mago si bang jat u.

  6. Sheshang chyihtunggau (麝香止痛膏) shing nrai sheshang chyuifung gau (麝香追风膏) hte a wo amyu myu mai tsi ai. Dai tsi hpe lago lahpan lahkong maga de shakap ton u, lani mi galang, shakap ton ai htom lago hpe manit 2-3 daram dip manat u, mayu na awo go 1-3 ya daram shakap jang mai lu ai.

  7. Masha nkau kau go awo wo yang tsi nkam sha nga ai, dai hpe tsa hte mai malai ai. Machyi masha ni a nrut nra lamyi laman hta, ga shadon na npot lawu, adu lahkong maga, gahpa npu, ta lahpum gata lahkong maga, lago lahpan re hkan, tsa ko tsing la ai sha-bu sumpan hte 30-40 daram bat nna gatsut arut ai htom, nba lum lum hpun nna yup la jang mai sai. Ladat ndai grau nna go ma hkum rai nga ai nu num ni ko akyu rong nga ai.