Hpungtang hpaji ginra景颇科普

Chye ton ra ai hkamja hpaji ni

小小常识你该懂

时间:2018-06-15 18:01:28 来源:德宏团结报

  1. Shana ko lusha sha man yang ginsa ana lu wa chye ai, hpa majo nga yang shatkan nlu hkring sa ai majo re.

  2. Laban bat mi hta udimalisha mai sha ai, nau sha shalo jang hkumhkrang hta akyu nrong ai.

  3. U chya-ngo hta ginsa ana byin tai wa ai bo rai rong nga ai, n sha yang grau mai ai.

  4. Shat sha ngut ai hpang namsi sha ai ladat go njo ai, hkrak nga yang shat sha na shong e mamsi sha ai ladat she gaja ai.

  5. Nu num ni numhking byin ai ten hta hpalap jahkai lu sha ni hkum lu sha, sai shalo ai bo lu sha rai lo sha ra ai.

  6. Lasi ntsin lu ai shaloi, udi hte htang hkum bang, lolo hkum lu.

  7. Shatkan gaman ko bahkrisum hkum sha bang, shat sha ngut ai hpang sha yang gaja ai.

  8. Jahpot manap yup rot wa ai ten hta ahka gom mi shong lu u, ladat ndai go hkum de nlung rong wa na hpe htang maja lu ai.

  9. Yup na shong hkying hkum masum ten hta lu sha rai hkum sha bang, chye hpum wa ai.

  10. Ngachyu hpalap (奶茶) hkum lu, shi go gahtet shadang tso, sau lo, lu sha dat n-gun n rong re majo, na na lu yang, sai tso ana, jit dui ana re lu wa ai.

  11. Nnan galo shapro dat ai pong muk (面包) hpe dai shaloi jang n mai sha ai.

  12. Dat htu bang hkring hte tsan gang ra ai, kungfun 30 a lahta de tsan gang hkat ra ai, yupku makau hkan hkum ton.

  13. Lani mi hka gom gaba matsat lu ra ai.

  14. Shani ko hka lolo lu, shana loi mi shayom na.

  16. Lani mi ga-hpri gom lahkong a lahta de n mai lu ai, nau lu shalo jang n mai yup, kan machyi rai wa chye ai.

  17. Sau lo ai rai sharam sha u, hpa majo nga yang, hkyinghkum 5 -7 daram hta she rin manyi kau lu ai, grau nna go bonu na sai pu kan ko wa majo rong nga nna, masha ngo ngo nga yup mayu wa chye nga ai.

  18. Shana de hkying hkum 5 a htom, shat sha ai loi shayom u, hpa majo nga yang,hkying hkum 5 a htom hkum hta dat n-gun nau nlang ra sai.

  19. Lusha rai myu 10 ndai ni sha yang nga pyo lu nga ai. Hka gaba na nga, wa-dep langusi, salui si gaba, hkaulan ajet hte galo ai pong muk, pozhai simai, lason, bahkrisum, nga chyu, ushan, byinsi ni rai nga ai.

  20. Yup nhkru yang masha mana wa chye ai, lani mi hkying hkum 8 yup ra ai, bai nau yup shalo kau sa yi nga jang mung mana wa chye ai, shani shingtung hta yup ai nau lo yang masha gumgai dingla wa na n yak nga ai.

  21. Yup ai ten gaja go shana hkying 10, jahpot manap hkring 6 hta rai nga ai.

  22. Lani mi tsa gom mi ko nna n mai lai ai, jan lai sa yi nga jang ana ganu shakap la na ginjang shalo ya nga ai.

  23. Kop ko rong ai tsi sha na, yup na shong manit 30 a shong e tsi sha bang yang alawan hkum yup galeng mat.

  24. Brangnon si chyahkri (酸梅) ngu ai go gumgai dingla hpyikyip wa na hpe lu htang nga ai, sin ana lu ai ni grau nna lolo sha ra ai.

  25. Kara ro ai go hpa majo re ta? Shana n-yup ai nga shalai kau, myit ai lo, malut tsa lu, hpom jap ai lu sha rai sha, sausau ai lu sha rai sha shalo ai majo re.

  26. Kara tu lo shangun na matu: Chyinghkrang makai hpro, udi, nokyu ni lolo sha u, dui ai lu sha nau n sha na.

  27. Lani mi hta, linmung si ntsin, salui si ntsin gom mi lu yang, masha myiman shan hpro tsom wa ai hta n-ga, sama mung lu jahkrat kau ai.

  28. Miwa makok si go nta dinghku hta dingyang ton ra ai tsi gaja rai nga ai, lani mi langai sha yang asan aseng re sinwop lu chye nga ai.

  29. Malut lu re ni ginsa ana lu chye nga ai, jau ko nna malut don kau yang go hkamja lam hpe makop la lu nga ai.

  (Bai matut hti ga)