喝水治9种病 Hka hte ana myu 9 tsi na ladat - 景颇科普 - 景颇文-德宏民语文网

Hpungtang hpaji ginra景颇科普

Hka hte ana myu 9 tsi na ladat

喝水治9种病

时间:2018-06-12 16:35:31 来源:德宏团结报

  1.Sama kap ai ni jahpot rot ai hte hka gom mi lu u.

  Masha go shana ting yup nga nna n shamu shamot ai majo, hkum gata na maza mala ni shapro kau ra nga ai, hka go grai ahkyak ai.Lama htang jahku shing nrai namta gayau bang ai ntsin jahku ni go, masha hkum hta loi na hkra no shatun marop la ai htom she hkum na maza ni mai gashin sanseng ya nga ai. Bai hka go n rai nga ai, jahpot manap rot ai hte hka gom mi lu dat yang hkum na maza mala ni shapro kau lawan nga ai.

  2.Awo wo yang shawoi na hta hka lo lu ra ai.

  Awo wo gahtet re shaloi, masha go salat pru lo, nsa sa lawan wa, hkum shan hpyi na hka ni pru mat wa ai mung lo rai chye ai, ndai shaloi hka lo wa lu ra ai. Hka lo lu yang salat pru lawan, jit sa lawan nna, masha hkum na gahtet gatsi shadang sharai jahtuk ya ai hta akyu rong ai hta n-ga, hkum gata na ana ningtuk ni mung alawan shapro kau lu nga ai.

  3. Shat kan ana rong ai ni nong e ahpa jahku lu ra ai.

  Shat kan machyi ai ni, shing nrai shat kan npyo ai ni go, ahpa jahku lu ai ladat hte mai tsi ai. Ahpa hpa ai awan a shadang hpe 60 Co ko nna nmai lai ai,ladat ndai hte ahpa hpa yang hpa rin mani loi nna, shat kan n gaja ai ni sha yang akyu grai rong ai. Shat hpa hta go lohtam ai hka rong nna, pu kan manyen ya, pu kan gata na maza mala ni gashin ya re hta n-ga, shinggan de jasan shapro kau lu ai.

  4.Hkyi chyat chyat yang hka lo wa lu u.

  Hkyi chyat chyat ai masa lahkong nga ai: Langai go hkum gata ko hkyi hkro rong nna, hka nlo ai, Lahkong go pu lam re ni maza mala shapro kau na atsam n rong mat. Shong na mahtang go ana jep yu ra ai sha n-ga, nong e hka lo lu ra ai. Lawu na mahtang go hka aja awa hte lu ra ai, ndai zon di yang hka ni pu gata hkan lawan shang nna pu hpe gasheng hkra jang, shamu shamot lawan shangun nhtom, nam sa manu shangun nga ai.

  5.Kro matan yang hka ko jum bang nna madon kau u.

  Kro matan wa ai npot nhpang go grai lo ai. Galang lang go lusha sha nhtuk nna byin ai re, kro matan yang madon wa na hpe n tsang ra ai, hpa majo nga yang maza mala madon shapro kau ai lachyum rong ai. Lama madon yak ai zon nga jang hka ko jum bang nna lu yang madon lawan ai. Jum bang ai hka hte lu dat jang madon kau lu na ra ai. Madon kau ai hpang, jum ntsin hte n-gup bai garu sanseng kau jang,ana sat ai akyu rong nga ai. Bai nna jum bang ai hka lu yang go madon nna hkum gata ko hka gadon mat ai hpe awai ya ai akyu mung no rong nga ai.

  6. Hpum ai ni shat sha ngut ai hpang manit 30 hta hka loi lu u.

  Masha nkau kau go hka lu yang hpum wa ai nga ma ai, ndai go shut ai lam sha re. hkum lasi mayu yang hka lo lu ra ai. Hpa majo nga yang masha hkum gata hta hka gadon jang go hkum na sau ni nat kau ya nna grau hpum wa nga ai.Masha a hkum na lam magup hta hka ra nga ai, hka ramdo lu yang pukan shamu shamot gaja nna, hkum hkrang lusha rin mani n-gun mung shaja ya lu ai.

  7. Yup n gaja ai ni hka hpunlum hte hka shin u.

  Yup na shong ko hka hpunlum hte hka shin, lago tsing gashin rai yang, masha hkum lum nna yup pyo wa nga ai.Dai majo hka hpunlum go masha a yup pyo tsi gaja langai rai nga ai.

  8. Myit nzim nzam nga yang hka lo lu u.

  Masha a hkum hkrang gata hta Gyisu (激素)rong nga ai, dai langai masha hpe gabu myit pyo shangun, bai langai go masha hpe myit yak myit yon shangun rai nga ai. Manghkang dai hparan lu ai go hka sha re. Hka lo lu yang hkum na maza mala ni shapro kau ya lu nna, masha hpe myit zim shangun lu nga ai.

  9. Salum ana lu ai ni yup na shong ko hka gom mi lu ra ai.

  Lama nang go salum ana lu masha rai yang, yup na shong ko hka gom mi lu ai alai shaman ra ai, ndai alai ni go jahpot manap ko salum magra machyi wa, salum sai pat ana byin wa na hpe htang maja kau lu ai. Salum sai pat ana go sailam na sai gumchya mat wa nna byin ai re. Masha yup sham ai shaloi, salat pru nna, hkum gata na hka ni yom mat wa nhtom, sailam na hka ni mung yom mat rai,sai ni gumchya wa ai lam grau na-du wa nga ai. Raitim yup na shong ko hka gom mi lu jang go, sai ni gumchya wa na lam ni shayom kau nna, salum ana agajong sha byin wa na hpe htang maja kau ya lu ai. Dai majo yup na shong na hka gom mi go sak hkye tsi hte maren re.