与蔬菜不搭的食物 Namlap simai hte nhtuk ai lusha ni - 景颇科普 - 景颇文-德宏民语文网

Hpungtang hpaji ginra景颇科普

Namlap simai hte nhtuk ai lusha ni

与蔬菜不搭的食物

时间:2018-06-11 16:05:51 来源:德宏团结报

  Kumgyin hte mahkri sum nhtuk ai. Mahkri sum ko na wuisinsu C go hke 100 hta hauhke 25 hpra rong ai, wuisinsu C hpe makop la na matu, kumgyin hte n mai gayau sha, shing nrai n mai pong gangau sha ai. Mahtang kumgyin ko na mui(酶) go mahkri sum ko na wuisinsu C hpe jahten kau chye ai.

  Kumgyin hte majap nhtuk ai. Majap ko go wuisinsu C lohtam rong ai, hke mi hta hauhke 185 du ai. Kumgyin ko go wuisinsu C hpe garan kau chye ai bo mui rong ai, shingrai nna lahkong yan hpe gayau sha jang, majap ko na wuisinsu C hpe jahten kau ya nna, lusha dat n-gun shadang shanyem kau ya sai.

  Kumgyin hte hkrangpu nhtuk ai. Hkrangpu ko wuisinsu grai lo rong ai, hke 100 hta hke 9 hpra du ai, lama kumgyin hte galang ta sha yang, hkrangpu ko na wuisinsu C go kumgyin ko wuisinsu C garan kau ai mui e jahten kau ya lu nga ai, dai rai nmai pong gangau sha, shing nrai galang ta nmai sha ai.

  Hparo hte lagat jahku nhtuk ai. Hparo go gahtet jap ai rai nna, shi a jap ai abat go gaubong hte bung nga ai, shi a akyu go lagat jahku hte ningle hkat nga ai, dai majo, hparo hte lagat jahku hpe nmai gayau sha ai.

  Hkranghkyi hpro hte hkranghkyi hkye nhtuk ai. Masha nkau kau go hkrang- hkyi hpro hte hkranghkyi hkye hpe mot la nna, gayau gaya di gangau sha chye ma ai. Hkrak tsun ga nga yang, ning di sha ai ladat go n-gaja nga ai. Mahtang hkranghkyi hpro ko na wuisinsu rong shadang go hkranghkyi hkye ko na hte shadon yang loi tso nna, masha hkumhkrang hkamja na matu akyu grai gaba nga ai, raitim, hkranghkyi hkye hte hkranghkyi hpro jom gayau shadu jang, wuisinsu C hpe ma hkra lahpot kau shangun chye ai, mahtang hkranghkyi hkye hta arai garan chye ai mui myu mi rong nna, hkranghkyi hpro ko na wuisinsu C hpe jahten kau lu nga ai. Dai sha nrai, hkranghkyi hkye hpe wuisinsu C rong ai namlap simai ni hte gayau sha jang mung, wuisinsu C hpe jahten kau ya chye nga ai.

  Majap hte hkranghkyi hkye nhtuk ai. Hkranghkyi hkye hta wuisinsu C hpe garan kau ai mui rong ai, majap hta go wuisinsu C bai lo rai nga ai, shing rai hkranghkyi hkye hte majap hpe nmai gayau sha ai, dai nrai yang majap a lusha dat n-gun hpe wa-hkye hkra ya chye nga ai.

  Majap hte kahkum si nhtuk ai. Kahkum si hta mung wuisinsu C hpe garan kau ai bo mui rong nna, majap ko na wuisinsu C hpe jahten kau lu nga ai, dai majo, shan lahkong hpe arau nmai sha ai.

  Gaujeng hte lagat jahku nhtuk ai. Mahtang gaujeng mung hparo hte maren gahtet ai bo jahkai re majo, lagat jahku a akyu hte nhtang hkat ai majo, nmai gayau sha ai.

  Gaujeng hte chyaru nhtuk ai. Gaujeng mung gahtet ai bo jahkai rai nna, gaujeng sha nna chyaru bai lu rai jang wan ko sau jat ai hpa rai mat sai, dai majo, arau nmai sha ai. Sai pru ai ana lu ai machyi masha ni grau nna sadi maja ra ai.

  Pozhai hte nga lapu nhtuk ai. Nga lapu go gahtet ai bo jahkai rai, pozhai bai rai jang go lagyi ai bo jahkai bai rai nna, nhtuk hkat nga ai. Bai nna nga lapu go sau hte gangau jang sau lo, pozhai go bai lagyi manyen re majo, gayau shadu sha yang kan mase wa loi ai.

  Ga lasi hte mun tu chyahkan nhtuk ai. Ga lasi ko sau lo, mun tu chyahkan go lagyi re majo, lahkong yan hpe arau sha jang, kan chye mase wa nga ai.

  Ga lasi hte kumgyin nhtuk ai. Kumgyin go lagyi ai bo re, gatsing sha ai lo nga ai. Ga lasi bai rai jang go sau lo nga ai, lagyi arai sau hte hkrum gadup hkat jang, grau manyen wa chye nga ai, dai majo, gayau sha ai lo sa yi nga jang, kan mase wa chye ai, dai majo nmai gayau sha ai.

  Nohpu hpro (Dufu) hte gaubong nhtuk ai. Masha nkau ni go nong e gaubong hte nohpu kya gayau sha chye ma ai. Ning re sha ladat hpe grai gaja dum ma ai, hkrak tsun ga nga jang, nohpu kya hte gaubong go nhtuk ai re, majoi mi ning re nhtuk hkat ai masa go masha hkumhkrang hpe grai wa laklai ai hku nnga pyo wa shangun ai lam nnga ai ngu ai sha re, shan lahkong hkrum jang byin tai wa ai arai ni go gai marop la na hpe wa-hkye hkra chye nga ai. Gaubong ko zhauson (草酸) mana maka rong ai, nohpu kya ko na gai go gaubong ko na zhauson hte hkrum jang zhauson-gai (草酸钙) tai mat nna, masha hkumhkrang gai hpe marop la na matu shayak kau chye nga ai. Gai go masha hkrumhkrang hta grit nmai ai arai re, lama masha hkumhkrang hta aten na na rai gai jashon la ai yak hkak mat, dai ko sha bang la ai bai n-grung rai jang, masha hkum hkrang hta gai gata mat wa chye nga ai.

  Kahkum si hte wuisinsu C lo ai simai ni nhtuk ai. Kahkum si ko wuisinsu C hpe garan kau lu ai bo mui rong ai majo, wuisinsu C lo ai namlap simai, namsi ni hte nmai gayau sha ai. wuisinsu C go gahtet hkam ai, kahkum si hpe shadu jahkut ai hpang shi a mui dai hten mat loi ai. Dai majo, kahkum si hpe shadu sha yang akyu rong ai, nmai gangau gatset sha ai, mahkri sum, majap re ni hte grau nna nmai gayau shadu sha ai. Wuisinsu lo rong ai simai go Pozhai, sau chyinghkrang, mahkri sum, majap din, hkrang hpro gasha, hkrangpu re ni re.

  Kahkum si hte bainam shan nhtuk ai. Kahkum si hte bainam shan gayau sha yang, pu kan nsa lo wa chye ai hta n-ga, sinda chyat, kan chyabung wa re masa ni pru wa ai, dai majo nmai gayau sha ai.

  Wosun hte lagat jahku nhtuk ai. Lagat jahku hta gat tsa lo ai majo, pu manyen ya kan sa jahkrang ya re akyu rong ai, ndai go masha yong mayong chye ai hpaji re. Raitim, lagat jahku go lagyi ai bo re, wosun mung lagyi ai bo rai re, shan lahkong hpe arau gayau sha jang pu kan a matu, akyu nrong ai, kan mase wa loi nga ai, dai majo n mai gayau sha ai.