Hpungtang hpaji ginra景颇科普

Hpa majo nhkrun no-kyu, maku ku ai yang-yi simai sha yang chye nang a ta

炒豆要炒熟了才可以吃

时间:2018-05-24 17:01:41 来源:德宏团结报

  1. Nhkrun nokyu: Nhkrun nokyu hpe gangau sha ai shaloi, hkut hkra gangau nna she mai sha ai, lama n hkut lu ai sha jang, sha nang wa nna, madon, kro matan, bo machyi, bo sin, gashung hkrit re machyi kumla ni pru wa ai. Dai go nhkrun nokyu ko ningtuk rai kyen (碱) rong nna re.

  2. Maku ku sai yang-yi: Maku ku sai yang-yi a makau hte ahpyi hta nsam mang rai nna, gata ko lunghkuisu (龙葵素) lohtam rong nna, lo wa sha ai htom nang wa chye ai. Machyi kumla go: Na-yi hkum 1—3 daram e kan lahta maga de gahtet machyi shing n rai machyi, kro matan wa, madon wa, kan mase wa rai nna, laja ai ni go, bai madon don rai nna hkum ntai mat wa, gahtet wa, nsa sa yak, n dum mat wa, ahkye wa rai chye ai.

  Lama sha nang ai lam nau n laja jang go, dui ntsin lu, htang jahku lu rai jang mai lu ai, laja ai ni hpe go tsi rung de lawan sa ra ai. Tinang hkrai tsi la na ladat: (1) Hkranghkyi simai kyin mi hpe gatok mani nna jahku shup lu yang mai ai. (2) Lasi tsit, kan zhau (甘草) myu mi hpe rong 2 di nna, hka hte shadu lu yang mung mai ai.