Hpungtang hpaji ginra景颇科普

Ana ndai ni la ni hta mung sadi ra nga ai

这些疾病男人也要注意

时间:2018-05-16 15:41:47 来源:德宏团结报

  Ana n kau go, shayi num ni a hkum hta lo byin nga ai, ga shadon chyu ginsa ana, bo chyen machyi, sailam gaba marong wa, nra ginro re ana ni. Laksan hpaji masha ni shadum ai,ana ndai ni go a la ni a hkum hta mung byin chye nga ai majo, myit n mai shanu ai.

  Chyu ginsa ana. La ni a hkum hta chyu ginsa ana byin ai lam nau n mu ai, 0.5%~1% daram sha nga ai. Asak go 60~70 daram hta rai nga ai. Rai yang, la ni go anum ni zon shaning shanang chyu ko n jep yu nga ai,machyi wa ai hte go tsi la yak mat sai.La ni nau hpum wa, sin ja wa, hkang gong ana tsi sha re ni go chyu ginsa ana byin wa na hkinjang grau tso nga ai.

  Bo chyen mi machyi. Mungkan tsi mawan hpongchyom ni bo chyen mi machyi ai hpe hkamja lam hta wa-hkye hkra gaba dik ai ana myu mi re nga nna jahpan hta bang ton sai. Ga shado Ameriga hta 6% du ai la ni bo chyen mi machyi nna, laja lana re shaloi go nta ko yup nga nna hkringsa ra nga ai, jep yu ai jahpan hta chye ai, 37% du ai machyi masha ni sha tsirung de sa yu nga ai. Bo chyen mi machyi ai ana go nga pra lam hte seng nga ai, bai gaga go malut lu, tsa chyaru lu, hkringsa n du, nsen maza, myit pu myit yak, ganu gawa a kyam hta hkan ai. Bai la nkau ni shangshui abat ni manap hkrup jang bo chye machyi wa nga ai.

  Sailam gaba marong pru wa. Sailam gaba marong pru ana go hkum namnak hte seng hkat nga ai, hpum wa, nau dung shalai, hkum hkrang shaman ai n lo re ni ana ndai lo byin ai.Sailam gaba a akyu go sai hpe salum de sa bang dat nga ai, lama aten na na n shamu shamot jang go asai ginrang ai lanyan nna, ana ndai byin wa sai.Tsi mawan hpaji ngau rai laika hta chye lu ai, 25% na la ni go ana ndai lu nga ai.Htang maja ladat go,hpum shagrit,lo shamu shamot na, lago lahkong hpe nong e hpai sharot na, labu lago nau chyat ai n bu na, grau nna go nshang nau chyat ai n mai bu ai.

  Nra ginro ana. La ni a nra ginro ai lam go num ni daram n lawan nna, lo malo ni go hpa zon n non nga ai. Num la shadon shadang go 1:5, rai yang, la ni a nga pra alai go num ni hte nbung ai lam lo nga ai majo,matut manoi byin wa ai nra ginro ana ni lo nga ai. Mayu e wuisinsu D lo sha bang na, lani mi ajan manit 15-45 ajan lam na. Asak 40 a lahta de du sai ni go laning mi hta nra galang lang sa jep yu rai na.