Hpungtang hpaji ginra景颇科普

Num hking byin ai shaloi nam sa yak yang kan mase tsi hkum sha

女人经期不能吃泻药

时间:2018-05-14 11:02:15 来源:德宏团结报

  Num ni num hking byin ai shaloi kan chyabung, kan machyi rai nna grai nga n pyo nga ai, dai aten hta nam bai sa yak rai jang go grau nga n pyo wa nga ai.

  Num hking sa ai laman hta hkyi chyat wa ai go, mayu e num hking sa na shong 7~14 ya hta rai nna, num hking byin na shong 2~3 ya hta grau wa na-du nga ai, num hking ngut ai hte gaungui nna go bai mai wa rai nga ai. Ndai zon byin ai laman hta, masin pot mayu la, akya shala nga nna n-gun n rong ai zon nga wa, galang lang go bo machyi, yup n pyo, kan htumpa dihkrat machyi, chyu ni kang machyi re kumla ni pru wa nga ai. Tsi mawan hta ndai zon re kumla hpe num hking sa na shong na myit tin gumhpon ana nga ma ai. Dai go num hking byin na shong e num ni a hkum hta lai shai wa ai lam ni hte seng nga ai.

  Ten ndai hta, kanmase tsi sha nna nam sa yang, chya-hkring mi na matu go nga pyo na re, raitim, kan chyabung, kan machyi, nshang machyi re lam grau na-du wa chye ai.

  Lawu de na ladat hte galo yu u: 1. Shani shagu namlap simai hte namsi namso grung grung sha nna, hkaulan lusha re ni loi bai sha jat na. 2. Jahpot manap rot ai hte kan gaman ko hka gom gaba mi shing n rai lagat jahku lu dat yang gaja ai.

  Dai htom kan htumpa dip anut shing nrai nshang hpe gayin gayo di na. Shana yup na shong e kan htumpa dip anut na. Aten masat ton nna nam sa rai na. 

3.Num hking garai n sa ai ten hta kan htumpa nong e shamu shamot rai nhtom, shat kan shamu shamot ai asat lawan shangun rai yang mung, nam sa manu wa nga ai.