Hpungtang hpaji ginra景颇科普

Nra ginro ana go hpa majo byin wa ai re ta

骨质增生是怎样引起的

时间:2018-04-19 17:06:14 来源:德宏团结报

  Nra ginro ana go nra zuji(组织) grit yom wa, Gai grit yom wa rai nna byin wa ai ana myu mi re.

  1. Anhte mungdan na gumgai dingla ni 50% a lahta de go nra prut jat ana lu gajang nga ai, hpa majo nga yang, gumgai dingla wa jang hkum hkrang lam magup na atsam yom mat wa nhtom, nra ko ra gadon ai lam n grung mat nna, nra ginro wa nga ai.

  2. Gumgai dingla ni nra gashai mat jang, shigau (石膏) hte matut ton, laja lana re nrut nra ana lu, hkum n lu shamu mat re ni mung, nra ginro ana lu wa ai.

  3. Danbeji, gai, wuisinsu C ra gadon ai ni mung nra ginro wa chye ai.

  4. Jum nau hte sha dinglai, gahpri, hkyauhkeli, tsa chyaru ni nau lusha dinglai ai ni mung nra ginro wa chye ai.

  Machyi kumla ni go: Hkum ting na nrut nra machyi, n-gun n rong, shamu shamot n manu wa rai nga ai. Dai hpe X jak hte dem yu jang jep shapro lu ai. Tsi lajang na hte htang maja na ladat:

  1. Danbeji, gai grung ai lusha nga chyu, udi, u, hkaipyek, nga, lasi jahkai ni lo sha na.

  2. Gai lo wa marop bang la na matu ajan lo kra ra ai.

  3. Hkum hkrang shamu shamot lam galo rai yang mung mai ai, ga shadon lam ni lo hkom na.

  4. Grung grung yup la, malut tsa chyaru ni don kau na. 5. Lani mi gaubong hke 400 sha yang mung, nra ginro ai htang maja lu ai.