Hpungtang hpaji ginra景颇科普

Nhpa majo yup hkru tim jahpot rot wa yang grai no puba a ta?

睡眠很很足够 为什么还会那么困呢?

时间:2018-04-03 17:50:33 来源:德宏团结报

  Yup ai ngu ai go, masha a hkum ni hkringsa la na ladat gaja langai rai nga ai. Dai rai yang, masha nkau go gade yup tim, hpang jahpot rot wa yang puba la ai zon sha nga nga ai, ndai a manghkang npot go:

  1.Kro hkri.

  Yup nau n pyo, dum ai hpang n-gup manam re lam go, shatkan n gaja ai kumla re.“Masin gahtet”wa shing nrai shat kan na hkri hpa nhtang pru ai shaloi kro na hking rai nkau ni go“Bungli”no galo nga ai, dai majo yup n pyo nga ai. Shadum ai lam:Yup na shong hkying hkum 2 laman hpa mung hkum sha,grau nna tsa, hkyauhkeli, hkri hpa namsi, shan jahkai re ni. Yup na shong ko hkushanghtang maya yang, shatkan hta akyu rong nga ai.

  2.Shana nam rot sa.

  Yuptung ko nam rot sa re go,“Yup n pyo wa ai”n pot re. Mayu e nga yang, masha ni go hkying hkum 6~8 daram yup yang nam n sa ra nga ai, gumgai dingla ni go loi bai sa lawan ai. Lama ma ram ni ndai zon lawan jang go, jit byet ana, jit lo ana shing nrai sade ana ni rong wa ai kun myit yu ra sai.Shadum ai lam: Yup na shong hkying hkum 3 hka n lu yang gaja nga ai, simai jahku, namtsi ntsin hte jahku lo ai namsi re ni hte ga-hpri, hpalap re jit bong gasheng hkra wa ai rai n lu sha na, yup na shong ko nam galang sa kau rai na.

  3.Wa garang.

  Shana yup ai hpang wa garang ai ni go yup n pyo nga ai lam hpe, masha lo malo ni n chye nga ai. Yup ai shaloi wa garang, n hka ashun rai yang go man shan wa-hkye hkra nna, hkum ting n nga pyo wa nga ai. Shadum ai lam:Tsi rung ko sa yu nna, lama wa n ra tsom re lam nga jang go, wa laro dagro nna sharai la na.

  4.Yup gok gok ai.

  Yup gok gok, n-gup mahka nna nsa sa re go, yup ai shaloi na nsa sa ai hpe wahkye hkra nga ai majo, hkum hkrang hta yanghkyi nsa nlo nga ai.Shadum ai lam:Mayu e ladi hte nsa sa ai lam lo shaman, ra ai shaloi go tsi mawan hta lang ai jum ntsin hte ladi ko ahprut bun na.Nhkrem hku yup na, hkum hpum shagrit rai yang mung yup ai shaloi nsa sa pyo wa nga ai. Yup ai shaloi n sa hkring mat. Masha lo malo ni myit lu ai, yup gok gok ai ni sha nsa hkring mat chye nga ai. Ndai go n jo nga ai, yup yang nsa gan hkring mat ai ana lu masha ni go yup gok n gok nga ai.Dum loi nna, shani tup tup yup shamui, nong e mayu machyi, du machyi re shaloi sadi ra nga ai. Shadum ai lam: Ana ladi jahkro ana jep tsi gok de sa nna, atsom sa jep yu ra nga ai.

  5.Magyi gari ashun.

  Ana ndai go yup ai hpang lago lata shamu n hkring rai nna, yup n pyo nga ai. Shadum ai lam: Tsirung de sa nna jep yu na.Jit dui ana, lamyi laman machyi ana, sai to ana, du bong ana, sade ana shing nrai atsi amyu myu a majo byin wa ai machyi kumla chye re.

  6.Yup wa ai lam jashuk shanut kau ya.

  Yup na shaloi wan nau san shing nrai htingwan grup yin maza nsen nau ngoi rai jang, masha hpe yup n pyo shangun nga ai. Shadum ai lam: Ta chyenan, datnu, dat sumla hkrung re ni la kau nna, htat ai hkalap sumpan hte nsen ga kau na.