Hpungtang hpaji ginra景颇科普

Hkainu ko namhpun gadon ai hpe ganing rai jep chye lu na lam

玉米缺肥料

时间:2018-04-02 17:10:16 来源:德宏团结报

  Hkainu hta dan(氮) gadon ai madung ana kumla:Hkainu prut wa ai gau-ngui, wulap gaji, wahpun agret, gaji, hkainu hpunlap ni htoi wa re hta n-ga wuhpun lawu de na alap ni ma kyip htoi mat, dan gadon ai shaloi shong nnan e wulap shong hkye mat ai kumla pru, dai hpang gau-ngui sha wulap hkalung ai de bai du lung wa, ndai zon re ana kumla rai sa yi nga jang go Dan gadon ai ga rai sai, aga sau rong shadang ko hkan nna Dan ahpun shadon sharam bang yang, nsi lohtam pru lu nga ai. Hkainu hta lin(磷) gadon ai ana kumla:

  Hkainu tu galu yak, aru tu ntsom, alap nwum tsom, wuhpun lasi gaji, wuhpun hte wulap ni mang sin rai, wulap ndung ni hkro mut wa, wulap ndung ko nna lap matu lap pot de du hkra tsit mang mat, mang nsam go hkainu hpun gata na htang galai gachyai lu na lam shingdang mat, alap ko htang shinggyim ai lam lo rai mat nna, huashesukan (花色素苷) bai byin mat rai, wuhpun ni mang mat wa ai rai nga ai.

  Hkainu wutsan pru na ten hta Lin gadon, htang htingli htinglai ai hte Danbeji gayep na lam hta shingtang to nga, wutsan pru ai mung ntsom, wutsan ndung gyip mat, hkainu wugyep ngyep mat, nba mun mung nchye prut wa hkro, hkainu nba mun ntsom, hkaimu wugyep gaji, mago maga re lam pru nga ai. Hkainu ko gya(钾) gadon ai madung ana kumla: Gya namhpun go hkainu wuhpun na hpyi gata de kuijihua(硅质化) na sainu pra gaba wa, dai hta n-ga grau gaba wa, wuhpun ngang kang ndo wa lu, gya namhpun go sainu gata na yanshenjisin(原生 质性) shagrit shanyem kau lu, sainu na hka makop n-gun jat wa lu,hpun hkro si wa na hpe lu htang maja, hkainu ko gya gadon yang, hkainu bong ni prut wa lam lanyen, wulap nsam san tsit rai, gata de na lap chyahkro ko na gya wulap nnan de bai shang wa, lap ndung hte lap shingjut ni si mat hkro gahpro wa, raitim wulap lapran ko go no tsit lali tsom to nga re lam byin pru nga ai. Lama na gya manu mana gadon ai rai jang go, hkainu wuhpun gadun, nba ntsom, ndung de mala la gaji, hkainu nsi na denfun( 淀 粉) grit nyem, hkainu nsi gaji, namhpun ni wuhpun nhpang de nshang lu, hpun ru tu ntsom, jau ko nna hkro si mat, wuhpun ni gading gadang rai gadong jong.

  Hkainu ko sin( 锌) gadon ai madung ana kumla: Sin ra gadon ai hkainu go nnan do hta wulap lapran gade nde htoi nsam sam wa, wulap lapran hte ndung hkan no tsit tsom to nga, lama dingyang Sin no gadon jang go, gahpro ai wulap nkau go si mat, nsam ma hten mat, hkainu hpun ting hpro tsit mat, galu yak nna jau hkro si mat, Sin go hkainu gata ko mi na shi a wuhpun gata na tu lung wa na namhpun hpe wa-hkye hkra nga ai. Hkainu ko Sin ngu ai gadon mat jang hkainu wulap nchye tsit tsom hkro nga ai.