Hpungtang hpaji ginra景颇科普

Kro gahtet jang sha hpa ndai ni sha yang mai ai

上火别担心,灭火妙招来帮你

时间:2018-03-19 09:25:20 来源:德宏团结报

  Masha lo malo ni go kan sa yak, mayu machyi, n-gup hpye re kro gahtet ana byin ra la nga ai.

  Ning rai jang ganing di na rai? Lu sha ndai ni sha yang, kro gahtet ai tsi shamai la lu sai.

  Namtsi sara ni tsun yang, hkumhkrang masa hta hkan nna, kro gahtet ana hpe bo hpan 5 hku garan da nga ai, madu a ana masa ko nna maram hpaga yu ga, nang a kro gahtet ana go gara bo rai nga ai kun.

  Salum: Pot mayu, n-gup shinglet hpye, man hkye ai.

  Sin: Bo machyi, myi hkye, garep lahkong maga machyi, n-gup hka ai. Shat kan: N-gup hkang manam, wa pot bum machyi, kan chyabung machyi ai

  Sinwop: Jahkru, mahka htoi ai.

  Sade: Jit gahtet, nshang mashi tsu machyi, na wu ai.

  Gahtet ai shara n bung jang, ana byin machyi ai shara mung n bung nga ai, Nbung ai hkrang ko nna pru wa ai ana masa mung n bung nga ai, gahtet machyi wa ai masa hta hkan nna, n bung ai lu sha hte tsi shamai la ra nga ai.

  Salum gahtet: Pot mayu, n-gup shinglet hpye, man hkye ai.

  Salum gahtet ai ana masa go myu lahkong rai nga ai. Myu mi go, n-gup hkun, jit hkye nna n lo, kan chyat re rai nga ai.

  Myu mi bai rai jang go, loi loi gahtet, salat hto, yup gan gan re re. Salum grai gahtet wa jang go, hka ai bo lu sha loi sha yang hkrak nga ai, ga shadon hpa-hka, nongnai si, sagya si re ni. Lu sha ndai ni go kro gahtet ai shakop shamai ya lu ai hte rau, salum mung makop ya lu nga ai.

  Tinsin zhau tsing, sabyin si gaba chyahkro, kawa lap ni shadu lu yang mung, salum gahtet ai shakop ya lu sai. Sin gahtet ai: Bo machyi, myi hkye, garep lahkong maga kang machyi, n-gup hka ai. Sin gahtet ai hte salum gahtet ai ana masa go bung hkat ai zon rai nga ai.

  Raitim atsom shadon hpaga wa yu jang, sin gahtet ai ana masa go pot mayu la ai rai sai, masha nkau go pot kam la nna, galoi mung bungli gaji gajo sha ko pot si wa wa rai nhtom, man hkye, sinda chyat bo sin gan rai si wa chye nga ai.

  Masha nkau go masin hkrai pot mayu, yup n gaja, jit hkye re masa ni pru wa mung rai chye nga ai.Sin gahtet jang go, shong nnan e madu a myit hpe dip kau ra ai. Bai nna, malu masha hta nga jang, hkri ai bo lu sha loi lo sha ra ai, ga shadon, makok si, mahkri sum, tingrat si, sabyi si, hkainu si re ni. Bai nna, tsamonpan, sha-hkuzhau tsing re ni tsing lu kau yang mung sin gahtet ai shakop kau lu nga ai. Sin gahtet ai ni go, ntsin lu shatang n du ai majo byin wa ai re.

  Sin hkamja na matu, ntsin lo lo lu ra ai, hkri jahkai mung sin gahtet ai lu shakop shamai la nga ai. Shat kan gahtet ai: N-gup hkang manam, wa waji bum machyi, shatkan chyabung machyi ai. Shat kan gahtet wa ai go sha ai ko nna kinrot wa ai re.

  Gahtet ai arai nau sha dinglai jang go, lau lau n lu rin mani ai nga yang, shat kan gata ko brong rong nga ai arai ni gahtet wa chye nga ai. Bai nna, shat da hta ru jap bai lu jat dat jang, shat kan grau gahtet wa sai.

  Shat kan gahtet jang go n-gup hkang manam, n-gup hka, wa waji bum machyi, shat kan kang gahtet machyi, kan machyi kan chyat re ana ni pru wa chye nga ai.

  Shat kan nau gahtet jang go dufu lo sha yang mai ai. Gahtet nau n song ai ni go, wa madai pan, sha sin, metung ni shapyo sha yang mai ai.

  Sinwop gahtet: Nsa sa yak, mahka htoi ai. Sinwop gahtet ai masha ni go mayu machyi, n-gup amyi hkun hkro, jahkru, mahka lo rai wa sai.

  Sinwop gahtet song jang go aja ja jahkru agong, mahka htoi gumchya rai nga ai.

  Sinwop gahtet ai nau n song ai ni go nsen nau n lu sho nsa htom htom nga, jahkru yang mahka nau n pru shing nrai mahka n rong re re.

  Sinwop gahtet ai tsi shamai na tsi myu lahkong: Langai go mago si, langai go nongnai lap.

  Mago si go lagyi, sinwop hpe manyen ya rai lu nga ai, jahku shup lu yang hkrak ai. Nongnai lap go manam pyo, madi shangun, sinwop gahtet shakop, maza nsa jahkoi kau ya rai lu nga ai.

  Mayu na malu masha ni hta, nongnai lap hte ushan gabo sha, nga gabo sha, lasi tsit hte nongnai lap hpa malum sha re go, yong chye galo sha ai lu sha gaja ni rai nga ai. Sade gahtet: Jit gahtet, nshang marung tsu machyi, na wu ai.

  Sade gahtet ai ni go, bo sin myi gabrim, na wu, na lahpang, wa ganga shing nrai machyi rai wa chye nga ai, nkau go nshang lahput machyi mayat ganu jahku hko mat rai chye nga ai.

  Mayu e kuhkyi si tsing lu yang hkrak ai, dai ko luwuidihongwan re tsi bai sha rai yang mai ai.

  (Gale ai Maji Htu Lung)