Hpungtang hpaji ginra景颇科普

Ladat n jo jang kara hten wa ai

吹头发方法不当 头发容易伤害

时间:2018-03-14 10:16:08 来源:德宏团结报

  Shut langai: Bo n kam masit.Bo masit jo jang go bo hpyi hpe gasheng hkra ya nna, kara tu tsom wa nga ai.Kara a asak go 7 ning daram rai nga ai, kara go shani shanang hkrat nna, kara ningnan bai tu wa na matu“Shara”ngam da ya nga ai. Lama kara n kam masit jang go kara nnan tu wa na matu shara n lu nga ai.Kara loi hkro wa ai shaloi masit yang, kara hkun hkro,do mat, watat sha wa rai na hpe htang maja lu nga ai.

  Shut lahkong: Kara makop tsi chya ai hpang lawan gashin jahkrat kau.Nong e kara makop tsi hte gashin yang go kara makop na matu grai ahkyak nga ai.Kara makop tsi chya ai shaloi, kara npot ko n hkra ai sha di nna, aten manit 2-5 daram chya ton ai hpang she gashin jahkrat kau yang mai ai. Kara watat sha hkun hkro re ni go bat ni hta grit htum kara makop ai lam galang galo na, manit 20 daram chya ton nna gashin kau na.

  Shut masum: Shana ko kara makop na malap.Shana yup yang go ahkum gale le rai nna, kara hpe bunghkum ko arut hkra ya nna, watat sha wa, kara do di mat rai chye nga ai. Alai bunghkum hpyi makop nna, kara hpe bungding maga de masit kau rai na.

  Shut mali: Kara gawut jak hpe n sanseng kau.Kara gawut jak lang ai hpang shata mi hta galang lang sanseng kau ra ai.Sha n rai yang go pat mat nna jak nau gahtet wa nna, kara gawut jahten kau wa nga ai.

  Shut manga: Kara nau zen jahpa kau. Kara nau zen jahpa kau jang go, hkun hkro, hten do mat nga ai. Shut kru: Kara gatsut yang n-gun nau hte dat. Nnan sha no gashin ai kara go grai kya nga ai majo,hten di loi nga ai. Akya re basi hpajet hte gatsut yang she mai ai.