Hpungtang hpaji ginra景颇科普

Nbu si hkai shalat hpaji

种核桃知识

时间:2018-03-08 10:24:09 来源:德宏团结报

  (Shata 2 nhtoi 16 ya na do)

  6. Ahkrang gram zen shatsom Zen shatsom yang galo du ra ai lam go: Ntsa do ran lawu do de chyip, lahta gyip lawu wang, shinggan de ran gata maga chyip, lakying gaba lo lahkying gaji n lo di na. Zen gram htap htuk tsom ai nbu hpun go, ahpun hte ahpun a lakying lashan ni n mahkai hkra nna, lakung lashan asan san sha rai, hpun ndung de wum tsom nna, hpun gata maga de nbung nsa hkon tsom nga ai. Asi si wa ai lado de go shinggan gata asi si, si si tsom dik nga ai, pru shadang tso, nli gaja rai nga ai.

  1. Hpun hkalung hpe gram shatsom Ahkrang shatsom na ladat: Ga sau nau n sau ai ko go ahkrang nau n tso ai hku madat na, nong e go mida 1.5~2.5 daram tso ai hku madat na, madat madung ai lakung ni a shara hpe jahtuk ra ai, lakung shada mida 1~ 1.5 daram gang hkat na, nau nyi hkat yang go lakung shada shachyat nna masen mat wa chye a

  Ntsa do na lakying ni hpe mung loi do gadun kau ra ai, hpun madung gaba wa na hpe n-gun jo ra ai, shingdu maga na lakying ni hpe nau n wum shangun na, sharai na ladat go:

  (1) Prut madung ai lakying hte shingdu maga na lakying gayep ai shaloi shingdu maga na lakying ni hpe la kau na.

  (2) Pru madung ai mado nau n gaja nna shingdu lakying mado grau bong jang go shi hpe madung bai shatai na.

  (3) Shingdu maga na lakying ni tu tsom na apu pu sai rai yang go, nau n galu shangun ai sha asi si shangun na.

  2. Asi si sai hpun hpe shatsom na la⁃ dat

  Nbu si si sai hpun go apu pu yang matsun do ko nna hpang nga ai, dai majo n mai rep kau ai, la kau ra ai go lakying gaji hte hkro kyip ai shingtai sha ai lakung lakying hte nau gahtap nna nbung nhkon ai ni sha rai nga ai.

  (1) Lakung madung hpe gram shatsom na ladat. Hpun madung grupyin na laning mi daram rai sai lakung ni go, hpang shaning asi si na lakying rai nga ai majo, mai do kau ai, nau wum ai rai yang, nau chyat gaji ai hpe sha la kau na, shaloi she hpun gaba tsom ai hta n-ga, asi mung gaba tsom nga ai.

  (2) Galu pru wa ai lakying hpe gram shatsom na ladat. 15 hte 30 ning daram si si sai hpun hpe go, tu pru wa ai lakung lakying ni hpe laning mi daram prut sai hpe go ningdung do na laman 2~3 mai do gadun kau ai.

  (3) Matep kying ai lakying ni hpe gram shatsom na ladat. Matep kying ai lakying ni hpe go ma hkra mai gyi kau ai.

  (4) Noi abya ai lakung ni hpe gram shatsom na ladat.

  Noi abya ai lakung ni hpe go lakying gapya ko nna mai la kau ai, bai shingtai sha jang mung la kau ra ai.

  (Bai matut hti ga) (Gale ai: Nhkum Bok)