Hpungtang hpaji ginra景颇科普

Ana myu mali lu ai gumgai dingla ni gato na htang maja ra ai

有一下三种疾病的老人要防止跌倒

时间:2018-03-08 10:21:54 来源:德宏团结报

  Sai nman ai ni. Sai dip n-gun shanyem tsi sha ai gumgai dingla ni go sai tso nyem shadang n man, bo sin re manghkang byin pru nga ai.Ndai zon re gumgai dingla ni go dung shing nrai rot wa ai shaloi, asat lanyan ra nga ai.

  Sai lam lamat n-gun nja ai gumgai dingla ni. Sai lam lamat n-gun n ja yang go sai lui atang n du nga ai majo, hkum hkrang (Grau nna go magyi hte lago lata maga na)sai lui ai n-gun yom mat wa, salum bonu sai sa ai nlo nna agajong sha bo sin wa chye nga ai.Dai majo, rot hkom ai shaloi asat nau n mai lawan ai, lama ma hpe jum nna rot hkom yang gaja nga ai.

  Sai htang nyem ai gumgai dingla ni. Gato si si re kahpang langai mi bai rai jang go sai htang nyem nna re. Ndai zon re lam go sai htang nyem ai machyi masha ni hta grau lo nga ai. Laksan sara ni tsun ai, sai htang shanyem tsi sha nga ai ni go, lusha grung grung sha ya ra ai, dai nrai jang saihtang nau nyem nna gato si wa nga ai. Nong e sai htang shadom yu yu rai nna, nau nyem wa jang, namsi ntsin shing nrai na htang hkum mi sha dat yang grau gaja nga ai.

  Yu n-gun yom ai gumgai dingla ni. Gumgai dingla lo malo ni go yu n-gun yom dik nga ai majo, rai marai yu yang nsan, grau nna go myipro pat ana shing nrai myi kang machyi ana re ni lu nga ai. Myi nmu jang go gato wa na chyelu sha re majo, gumgai dingla ni go nong e myi sa jep yu ra ai. Ana myu mali lu ai gumgai dingla ni gato na htang maja ra ai