Hpungtang hpaji ginra景颇科普

Hkum shalum ya lu ai ningshung simai myu 8

暖身的八种菜

时间:2018-02-23 17:15:53 来源:德宏团结报

  Hpro nsam hkranghkyi simai

  Hpro nsam hkranghkyi simai hta go Wuisinsu C rong shadang magosi hta htam 8-10 rong jan nga ai. Hkranghkyi simai hta Zhauson n rong nna, lusha na gai hte hkrum tim marop bang la loi ai. Hka hte shadu jahkut ai htom, jum dui loi bang htom luhpa shatai nna lu yang mung lusha rin manyi garum lu nna, shat kan makop na hta akyu rong nga ai.Bai hkranghkyi simai go gahtet shakop, ningtuk sho re akyu mung rong nga ai.

  Naisam hkye

  Naisam hkye go htanshui-huaho-wu, sha-hpa hkyenwuisu, hulobusu,wuisinsu hte gya, mui, htung, si, gai re wuileng-yansu myu 10 jan rong nga ai. Grau htuk ai galo sha ladat go: Naisam hte n-gu hpa hpa sha yang, sinpai shat kan hkamja ya lu nga ai.

  Miwa makok si

  Makoksi go ningshung lado hta lusha gaja myu mi re hta n-ga, tsi mung no tai nga ai, n-gup mu wa, lusha rin manu, hkum sai garang manu ya rai nga ai. Makoksi grau gaja ai asung langai mi go salum sai lam ana hpe htang maja ya lu nga ai.

  Htang hkye ntsin

  Ningshung lado hta go hkum lum wa ai bo lusha sha ya ra ai, luhpa hta tsun ga nga yang htang hkye go grau gaja ai rai sai. Htanghkye a akyu go“Lum nna hkum de wa,”“Lum nna nsa hkrang,”“Lum nna hkoi loi”rai nga ai, dai hta n-ga,masha hkum hta ra ai gai hte hpri mung no rong nga ai. Galo sha ladat: Htanghkye hta shanam pa mi bang nna manit 10 daram shadu ai htom lu yang grau gaja nga ai. Yin-e guhkyi, Miwa mahko si gaba shing nrai lasi hkye hte rau shadu lu yang jit sa manu nga ai.

  Ningshung makru jahku

  Ningshung makru hta go lohtam ai hkyenwuisu rong nna, shat kan shamu shamot lawan dat ya lu nna, lusha rin manyi garum nga ai. Ningshung makru go danbeji tso, denfun nyem re lusha rai nga ai nga yang, salum sailam ana lu ai ni sha yang gaja nga ai. Sau shagrit simai mung no nga ma ai, matum hte shadu sha yang namta grau rong nga ai.

  Bainam shan

  Gashung lagyi wa ai hte rau, masha hkum hta lago lata lagyi wa, sai lam garang ai lam n manu re lam nga ai. Bainam shan go sade n-gun jat la lu, hkum shalum ya lu, n-gup mu wa re akyu rong nga ai majo, ningshung htang n-gun jat ya nga ai sha n-ga, hkum n-gun mung shaja ya lu nga ai.

  Guhkyi

  Mangai ningshung lado hta hkum hkrang hkamja lam go, sade makop na hpe madung rai nga ai, dai hta guhkyi go ningshung lado hta na hkum de wa dik ai lusha myu mi re. Guhkyi hta go masha hkum hta ra gadon nga ai namta lo lo rong nga ai, ga shadon na danbeji, jifang, htang, wukyi-yen hte wuisinsu ni, sade n-gun yom, nshang, lahput tsu machyi, myi n greng, jit dui ana lu ai ni lo sha yang gaja nga ai. Naisam hte guhkyi rau gabo sha yang mu la ai sha n-ga, hkum shan tsom wa nga ai, grau nna go gumgai wa ai nu num ni sha yang gaja nga ai.

  Chyaran si

  Chyaran si go“Namsi hkohkam”ngu ai amying lu nga ai, shi go“Sade tsi gaba”mung no rai nga ai, gaji gaba mai sha nga ai. Chyaran si na bupauhojifangson hte wuisinsu ni go, salum bonu sailam hpe makop ya lu nga ai. Galo sha ladat: Chyaran si hte ushan gabo sha yang, gashung ra la ai masha hte sade n-gun yom ai ni sha yang gaja nga ai.