Hpungtang hpaji ginra景颇科普

Nbu si hkai shalat hpaji

种核桃知识

时间:2018-02-12 10:31:46 来源:德宏团结报

  (Shata 2 pro 7 ya na do)

  (3) Nam magang

  Langai go masha hte nam magang, aga

  ginron ai hte nam ni magang kau na. Lahkong

  go agung si hte nam sat kau na. Matut

  ai hpang, 50% re nam sat tsi jinhkeshi

  shaingmun hte, mu mi hta hke 250~400 hte,

  ahka kungkyin 50~60 hte, tsi gat hking rai

  ko bang gun nna abong ntsa e gat bun

  nhtom, chyang nsam palasatik hte bai

  magap kau rai jang, gaba wa lado ting hta

  anam n magang ra sai.

  (4) Makru chyajan la kau

  Matut ton ai makau hkan bai tu pru wa

  ai makru ni hpe lawan la kau ra ai, sha n rai

  yang, matut ton ai abong ni tu gaba wa na

  hpe wa hkye hkra nga ai. Matut ton ai

  abong makru 30cm daram re shaloi, atsom

  sha yu nga ra ai, makau hkan tu jat wa ai

  wahpun chyajan hpe lawan bo kau ra ai,

  grau nna go aga gata hku nna tu pru wa ai

  abong chyajan hpe go nan nan bo kau ra nga

  ai.

  (5) Htap htuk ai hku gon lajang nna,

  hko ai shaloi gyit ton ai sumri ni hpyan kau

  na

  Matut ai makru kru pru wa ai hpang,

  galang lang go makru matsun lahkong a lahta

  de chye pru wa nga ai, dai hpe tu tsom

  ai mahtang hpe ngam da nna, gaga ni hpe

  go zen gabai kau na. Matut ai mahka ni n

  hka mat jang, matut ai shara ko yi gaba mat

  ai kun atsom yu yu ra ai, lama gaba mat

  jang go, palasatik ahka ko dingda hku nhtu

  hte ahka langai jahka na, hpun ahpyi gata

  lap ko du hkra sung na. Aten loi mi rai jang,

  palasatik hpe yong la kau ra ai, sha n rai

  jang matsun ko hkra nna hten yat mat chye

  ai. Shata 8 shagong de, matsun ning nan hpe

  mahti di kau na, dai go matsun nnan hpe

  shangang na matu re.

  8. Abong la shapro

  Abong no ban sa nga ai aten lado hta,

  abong hpe matut na. Abong la na shong e,

  bo la loi na matu, hka shong jo na ra ai.

  Abong bo la ai shaloi, aru ni hkum n hkum,

  ga n ga gaprang mat, hten n hten re lam ni

  yu ra ai hta n-ga, wahpun hte matsun ni hpe

  makop gaja ra ai. Abong a atsang garan, atsang

  langai go: Abong tso de 60cm, matsun

  gaba de 1.2cm, aru madung galu de 20cm a

  lahta de, makau hkan na aru ni dinghkat 15

  a lahta de rai na. Atsang lahkong abong go:

  Abong tso de 30~60cm a lahta de, matsun

  gaba de 1~1.2cm a lahta de, aru madung 12~

  20cm a lahta de, makau aru ni dinghkat 15 a

  lahta de rai na. Gaga abong ni n mai dut sha

  n mai htot hkai sai. Lama alam tsan ai shara

  de hto sa ra na yang, abong hpe atsom

  makai kau ra ai, abong hpe ana ni jep yu,

  ana sat kau re htom, abong dinghkat 25~50

  di nna makai na, dai htom amying, atsang,

  jahpan, abong bo la ai aten re ni shakap ton

  na, lakung lama manu ai ni go ahka makop

  tsi shing n rai na npot aru makop tsi ni hte

  makai ton yang grau gaja nga ai, jahtum e

  lapu hpyi dingsan hte atsom makai shangang

  kau rai na. Lawan n hkai na abong ni

  hpe go majoi no hkai ton yang gaja ai.

  Hkai shagrin

  Nbu hpun go ayi ala rau re apu n bung

  hkat ai namsi jahkai re hta n-ga, hpun mi

  hta hpun yi hte hpun la mayu e go apu

  galang sha n pu ai, dai majo wahpun n bung

  ai shada ko pu wamoi shakap ya ra ai, dai

  rai yang, ahpyen apa di hkai ai nbu ni she

  nsi lohtam si ya nga ai. Hkai na shaloi n

  hkun gata e namhpun chyayat hte aga chyahkut

  hpe ra hkra gayau nna, sung de ramdo

  di nhtom, ntsa lam hta aga chyahkut 5cm daram

  magap ton ya na. Dai htom hpun bong

  hpe ading sha di nhkun gaang e hkai ton na,

  aru hpe mung shading kau rai, aga chyahkut

  ni bai magap kau di ai hpang, aru ni ading

  rai na matu abong hpe loi gang sho la di,

  sung de go htuk na daram rai jang rai sai,

  aga bang nna lago hte gabye shangang kau,

  hpun hpe masop shara, ahka kunggyin 25

  daram bang nhtom, ahka ni makop gaja ton

  na matu ntsa lam e palasatik sapsanap hte

  bai magap ton kau na.

  Hkai shalat aten go: Ningshung htum

  de htingra nnan shang wa yang na abong ni

  matsun makru hprut pru wa ten a shong

  shing n rai mangai gaang de wahpun ni n

  hprut mat re aten hta hkai yang tu shadang

  tso nga ai, dai go: Htingra lai na shong e

  hkai ngut kau ra ai. (Bai matut hti ga)

  (Gale ai: Nhkum Bok)