Hpungtang hpaji ginra景颇科普

AIZI ANA

禁毒防艾知识

时间:2018-02-12 10:28:52 来源:德宏团结报

 3. Tsi lajang na lam

  (1) Ana ningtuk htang tsi lajang: Tsi

  jahkum nna tsi ra ai. Shi go tsi n-gun shaja

  nna ana ningtuk htang tsi lajang (HAART)

  rai nga ai. Dai go tsi jahkum ladat hta hkan

  nna, tsi myu masum ko nna mali hku jahkum

  lang ai re, ningre tsi ladat lang yang

  go hkum gata na ana ningtuk ni brat wa na

  hpe dip ton kau lu nna, hten bya sai ana

  htang n-gun hpe shabai ya lu, machyi masha

  a sak sumri hpe sharen ya lu nga ai.

  Rai yang, tsi ladat ndai mung ningra ai

  lam loi no nga ai: Langai go tsi n-gun nau ja

  nna hkam sha yak ai majo, machyi masha

  nkau kau n kam tsi la ma ai. Lahkong go tsi

  lajang ladat hkrak hkan sa ra ai, shing n rai

  yang tsi lajang akyu n pru ai hta n-ga, ana

  ningtuk hta tsi htang n-gun no chye rong

  mat nga ai. Masum go tsi hpe dingyang nan

  sha ra ai majo, tsi ya masha hte tsi la masha

  ni a matu yakhkak lam langai rai nga ai.

  (2) Kap ana hte bong lapau ana hpe jau

  nna tsi lajang kau ra ai. Aizi ana byin masa

  madung go ginjang tam nna kap ai re, dai go

  Aizi ana lu masha ni tsi rung ko sa jep ra ai

  ana nan re. Ginjang tam kap ana go, Aizi

  ana ana ningtuk e masha hkum na ana htang

  n-gun jahten shabya kau ya ai majo, masha

  hkum na ana htang n-gun yom mat nhtom,

  ana shabyin n-gun loi kya ai ana ganu ni masha

  hkum de shang wa nna hkron kap dat ya

  sai. Shingre majo, Aizi ana kap masha hte

  machyi masha ni hpe go ginjang tam kap

  ana hku nna tsi lajang ya ra ai.

  (3) Madi shado, ana htang n-gun shaja

  ya, myit shanum ya re hku nna tsi lajang na.

  Dai go: N bung ai machyi masa hta hkan

  nna tsi lajang na lusha shagu ya ai mung

  Aizi ana tsi lajang ai ahkyak ladat langai rai

  nga ai.

  4. Mayat hking ana, Aizi ana lu ma⁃

  sha ni hpe tsi lajang na lam

  Mayat hking ana, Aizi ana laksan ninghkring

  salang rapdo ko nna madun shapro

  ai, ya yang mayat hking ana tsi lajang gat ya

  mana maka shanut, tsi tsi masha ni madang

  nyem re majo, machyi masha lo malo ni aten

  tup rai hkrak n lu tsi la, jep shut, n jep

  hkra, tsi shut rai nhtom, lo htam ai shawa

  masha ni a hkum myit hkamja lam hte akyu

  hkam sha lam hpe manu mana jahten ya nga

  ai, anhta mungdan na mayat hking ana, Aizi

  ana tsi lajang magam hpe gapat ya nga ai.

  Dai majo, machyi masha ni ana sa jep na

  shaloi lawu de na hpaji ni chye ton ra nga ai.

  (1) Aihkrak re gadai n hkam galo ai

  asuya tsirung, grau nna go hpaji n-gun ja, tsi

  hking rai hkum ai hpyi hte mayat hking ana

  tsi gok hta sa jep tsi lajang na.

  (2) Hpyi hte mayat hking ana laksan tsi

  sara ni jep tsi lajang ai hkam la na.

  (3) Tsi nambat n kap ai“Maigan shang

  tsi”“Jiwoi jiwa nhtong tsi”“, Gaja ai, grai gaja

  ai tsi”nga shapo ai tsi ni n lang na.

  (4)MDI tomuihti senwuigyin(多媒体显

  微镜) hte PCR re“Shadang tso dik ai tsi hpaji”nga

  shapo ai hking hpe n mai kam sham

  ai.

  (5) Shara magup shakap shajong ai

  mayat hking tsi shaga ndau hte n teng ai

  mayat hking ana tsi hpe n mai kam ai.

  (6) Tsi tsi shara masu madun hkrum na

  hpe sadi ra ai.

  Aizi ana ana ningtuk kap masha hte

  Aizi ana machyi masha ni ana htang tsi

  lajang na rai yang, ginwang tsang a lahta de

  na masat ton ai tsi rung hta sa tsi na, ginjang

  tam kap ana hte kaga ana tsi na rai yang,

  tsang shagu tsi rung ni hta sa mai tsi ai, tsi

  lajang rungdap ni n kam hkap tsi, gaga tsi

  shara hkap madun re lam n mai galo ai.