Hpungtang hpaji ginra景颇科普

Nbu si hkai shalat hpaji

种核桃知识

时间:2018-02-12 10:13:19 来源:德宏团结报

  (Shata 2 pro 2 na do)

  Dai htom aga amani re hte ahku hte makau grupyin hkan bai magap kau na, dai hte rau ahka chyam chyam di galang bai jo kau rai na. Hkai shalat ai htom aga hpe hka rong shadang 24% daram di ton na. Abong makru shada a gang hkat lam go 15~20cm daram rai na, amyong hte amyong a lapran gang de 25~30cm daram rai na, lamu ga 677m2 hta wahpun 8000~12000 hkai na. Hkai ai shaloi tu gaba tsom na matu, ading sha di hkai na, dai hte rau, matut mahka hpe aga a lahta yang e rai na

  Htot hkai na wahkpun hpe aga e lup bang ton ai shata mi daram rai jang, makru matsun ni alap 2~3 daram prut pru wa ai shaloi go, lani hte lani ginsum hpe loi hpo dat nna, shinggan na gahtet gatsi shadang hte shabung shaman la na, 7~10 laman hta go mai htot hkai sai. Htot hkai ai 10 ya daram hpang e go, ahka grung grung jo nna aga nong e madi nga shangun na, dai htom lani hte lani ahka sharam mat wa na, dai htom go mayu na hku gon lajang ai lado de shang wa sai.

  7. Hkai shalat hpang na gon lajang lam

  (1) Abong matut hkai ai hpang, ahkyak dik ai go ahka lawan jo nna makop na. Mayu e aga na hka rong shadang go 24% daram ko re. Lama hka rong shadang 22% a lawu de sha du jang go, ahka lawan jo ra sai, aga a madi shadang shatso la na. Hka nau bai rong dinglai jang go, lawan bai shalen mase shapro kau ra ai, sha n rai jang go npot aru ni chye yat mat wa ai.

  (2) Lado ko hkan nna namhpun gat bang na.

  Lama abong ko namhpun n grung nna, aga sau n rong rai jang go, namhpun htuk ai hku gat bang ra ai. Dai makru ni 10cm daram galu pru jang, wahkyi wa-hkyi namhpun ntsin galang mi bang rai na. Bai 30cm daram galu ai shaloi go, galang bai dat bang rai, shing n rai logadat namhpun galang dat bang tim mai ai, mida man mi hta hke N50, hke P10, hke K 10 shabung jahtuk nna lang na. Namhpun dat bang ai aten go tu gaba wa ai lado ko hkan nna bang na laman lado lai mat jang go, namhpun bang tim asung nau n rong mat sai, lahkpot kau ai hte maren sha re.

  (Bai matut hti ga) (Gale ai: Nhkum Bok)