Hpungtang hpaji ginra景颇科普

Nbu si hkai shalat hpaji

种核桃知识

时间:2018-02-02 17:23:14 来源:德宏团结报

  (Shata 1 nhtoi 31 ya na do)

  4. Matut na hpaji

  Hprang matut ladat lang na: Matut na abong hpe shong ahpun ahpun di do la nna(Akop hkum la kau). Abong a gaji gaba hte matut na ahka maren sha rai ra ai, npot aru do 4~5cm daram hta zen shara ai htom, hpun lap hku nna 3~3.5cm daram re mahka hpe dingdung hku wo nhtom, mahka hpe ara sha di ra ai. Matsun 1~2 ngam ton na, matut na shara ko galu de 3~3.5cm daram re hprang shapro na, hpun gata hpung hkro ko nna n mai lai ai, nau gaba ai rai jang go shing-du maga de gumra lahti zon re ahkrang langai mi hprang shapro nna, galu de 1~1.5cm daram, matsun 1~2 ngam ton na, matut na lakying galu de 6~8cm, lamyi 1cm shara ko zen di nna, ahka ara sha di na. Aman maga de jut masum hkrang zon di nna, matut ai mahka ko achyo bang(Ma hkra n mai achyo bang kau ai, 5mm daram ngam ton u). Lama na matut na maga matut na abong hte maren sha rai jang, maga lahkong ading sha jahtuk ra ai. Abong matut dat ai htom, palasatik hte ngang ngang makai(Lam 2~3) ton na, makai ai shaloi matsun hpe hkum makai hkra, matut ai shaloi no hprang ga ra jang go palasatik shing n rai gaga rai hte makai kau na. Ajan hte abong hpe lam sat kau nna, hkrung shading nyem mat na tsang jang, matut ai shaloi n hku de sit shang wa nna matut na. Matut aten mayu e go ningshung lado hte htingra lado hta rai nna, panglai shadang mida 1500 daram re shara, shata 1 shagong de ko nna shta 2 si de rai na, rai yang, shata 1 si de ko nna shata 2 pro de rai yang grau gaja ai.

  5. Abong hprai lajang

  Matut ngut ai hte, aga de lawan hkai ra sai, abong hprai lajang ai aten go jahpot hte shana ko shadin, ajan ja ai shaloi n mai galo ai. Galo lajang shajin ton sai aga ko 15 × 25cm hku nna wahpun, ayan hku nna ton da nhtom, palasatik sapsanap bai mara ton ra ai. Ginsum gata ko madi shading 85% daram di ton na. Ginsum gata ko na gahtet gatsi shadang 30℃ du ai shaloi go, nbung nsa jahkrang ra sai. Bat 2 daram a hpang e, matut ai hka prai mat wa ai htom, matut ai nbu matsun hprut wa sai.

  6. Hkai shangang

  Nbu hpe matut ai htom go makru kru pru wa sai, dai makru hpe go shara mi ko htot gahkyin ton ra nga ai. Mayu e go sung de limi 20 daram re ko hkai ton na, shong nnan e yat tsom sai wahkyi wa-hkyi(Shing n rai fuhofui namhpun lam ni) gat bang ai hpang, aga lam mi bai magap ton ai htom, matut ton sai nbu makru bang dat na, makru ni hpe maga mi de sha yong shangun na, ginro ai ga sau rong ai aga ni hte matut na mahka a lawu de du hkra magap kau na. Hkai shangang ai hte, palasatik hte magap kau rai na, magap ai shaloi, hkai shangang ai makru ko ahku wo ton ya na, mahka hpe matut na abong hta loi gaba gaba di na, dai zon di jang nbung nsa hkrang tsom ai.

  (Gale ai: Nhkum Bok)

  (Ya na lang bai matut hti ga)