Hpungtang hpaji ginra景颇科普

NINGTUK RAI LUSHA AI A JAHTEN SHAZA LAM

毒品的危害性

时间:2018-01-12 16:09:16 来源:德宏团结报

  2. Ningtuk rai lusha yang nta dinghku jahten sharun ya ai lam

  (1) Ningtuk rai lusha yang nta dinghku bya matsan mat.

  Ningtuk rai lusha ai masha ni ningtuk ayin kap jang go hpa hpe pyi n dum mat rai chye ma ai.

  Nta de gade matsan, ningtuk rai gade hpu tim, hkoi, lagu, gashun la rai nna ningtuk rai sa mari lu sha nga ai. Dai majo, masha ni ginchyum shapro yang, ningtuk rai lusha masha ni nta dinghku jasum shabya ai lam mali go: A—Mahkong ton ai gumhkpro lang shama kau; B—Kun rai dut sha shama kau; C—Jinghku jingyu ni hpe hkoi sha shama kau; D—La ni go lagu lagut galo, num ni go hkum dut sha rai nga ma ai.

  (2) Ningtuk rai lusha yang num ma hte hka bra, dinghku bya, masha si.

  Ningtuk rai lusha yang, kun dighku na ja gumhpro lau lau ma mat wa ai majo, madu jan hte madu wa nju ndong hkat mat, gawa hte gasha hpyen tai hkat mat, nta dinghku gata zimra alum ala rai na yak mat masai. Ningtuk rai lusha garai n na-du ai ni go, nta masha hpe masu sha, lagu lagut galo, nta na sut rai tang sha. Na-du sai ni go, nta masha hpe ningtuk woi hkalem lusha, madu jan hpe tang sha gasha dut sha, grau nna go ningtuk rai mari na gumhpro a majo madu a nta masha hpe shayon, sat kau pyi no chye rai nna, htom e go madu mung htong hkrat ai hkrum chye ai.

  3. Ningtuk rai lusha yang hpong shingra hpe jahten shaza ya ai lam

  (1)Ningtuk rai lusha yang hpong shingra ja sutgan shaza, mungdan ja sutgan jasum.

  Nambat langai, ningtuk rai lusha masha ni teng tok shamyit shaza kau ya ai hpong shingra sutgan ni rai nga ai. Nambat lahkong, mungdan ko nna ningtuk rai pat na matu lang kau ai masha aga, rung rai, ja gumhkpro rai nga ai. Jahtum e, ningtuk rai a majo sum mat ai ja gumhpro grau lo mat nga ai.

  (2) Ningtuk rai ko nna mara mu lo malo shapro dat nna hpong shingra zimra na matu chyinghkyik hkra nga ai.

  Ningtuk rai lu la na matu, ningtuk rai lusha masha ni n tara ai ladat hte gumhpro hkan tam na majo myu magup re mara mu shapro dat sai. Ga shadon, damya mya, masha sat, hkum dut sha re mu ni byin pru ai.

  (3) Ningtuk rai lu sha yang mung shawa masha ni a kunglak madang hpe wa-hkye hkra, galo sha n-gun shabya hkra ai.

  Ningtuk rai lu sha ayin lu sai masha ni a bungli galo sha shatang go, ningtuk rai n lu sha ai masha ni a 40% ~50% sha du nga ai. Na-du ai ni go bungli n lu galo mat nga ai. Grau bai na-du mat sai ni go si mat chye nga ai. Ningtuk rai lusha yang gashu gasha ni a hkamja lam hpe mung wa-hkye hkra nna, htomhpang de na shinggyim masha ni a nguipyo na lam hpe myit yak lam galo da ya nga ai. Hkum li ai num ni ningtuk rai lusha yang ma-bya bya shadang go n lu sha ai ni hta grai tso ja nga ai, la-ma wa shangai ton tim, hkumhkrang n tai, bo nu n let, ma chya ngai ko nna hten shing n rai lago lata n hkum re ana byin chye nga ai.