Hpungtang hpaji ginra景颇科普

 U htoi rem ladat

养黄鸡方法

时间:2018-01-12 16:06:47 来源:德宏团结报

  (Shata 1 pro 10 ya na do)

  U htoi rem ladat U htoi rem ladat Uli madat na hte rim lata kau na lam. Uram ten hta ana lu, dohten, namnak n du, mun n tsom re ni hpe rim lata kau ra ai. U ganu nli hpe go laban bat 8 hte laban bat 13, shing n rai laban bat 18 re shaloi hkan lata la na. Wanpu mung lani mi hta hkying hkum 13 daram sha mai htong shachyi ton ya ai, ushat sharam yo na rai jang ushat arau sha yo nna, nau lo n mai rong rem ai.

  Udi di ten hta gon lajang na lam. Uram ni gaba galon wa ai ko nna udi di wa ai ndai laman go grai ahkyak ai laman re majo, namnak shadon shadang ko du n du ai lam jep yu ra ai. Namnak shadon shadang ko n du jang, n-gun hte di hpro dat lo rong ai bo ushat yo ra ai, udi di ten hta di kop loi ja a matu, u ganu ni hpe gai jahkai tsi mung no bang jo ra ai. Udi di na shong laban bat mi daram ko nna u shingjat ni atsom galo ton ya ra ai, rong rem ai raijang udi n shaga kau na matu udi ja ton ai bo uro nten atsom galo bang ton na, ndai laman hta mung wanpu loi chyi chyi re htong shachyi ton ya ra ai.

  Uhkai shakro la na lam. Udi gaja jang she uhkai mung bong tsom ai, dai majo uhkai shakro na udi hpe mung grai chye lata ra nga ai. Uhkai shakro na udi go yon tsom nna hke 35~40 daram re lata la na, uhkyi kap, nau din, nau gum-yon, akop nau ja, machyit marut re udi ni hpe go lata kau ra ai. Jak hku shakro yang go lo lo lu shakro na di lang nau n rong nga ai, ndai bo ladat go magam hkrang gaba hku rem hkrat wa ai ko lo lang ma ai. Mayu e go udi shakro shara hta nbung nsa hkrang nna gahtet gatsi shadang laman 22, bam shadang 55% ~60 daram hta sharam ton na. Gahtet gatsi shadang hte bam shadang lu sharam ton na matu udi shakro shara na hkalap gaji gaji re rai nna tsomra tso ra ai, nbung nsa san na matu ulong mida 3 a lahta de tso ra ai hta n-ga, nbung nsa jashon galai bang na ahku jahku ton ra ai. Udi shakro na shong e udi shakro shara hte jak rai ni hpe Lifangmyi 1 mi hta fuemalin tsi haushin 30, gaumungsongya tsi hke 15 di gayau la nna, kagam di ko hkying hkum 10 daram shadu shamu ton ra ai. Udi hpe mung shakro na shong hkying hkum 4~ 6, shing n rai hkying hkum 12~25 re shara ko shalum ton ra ai, jak hten n hten ai lam jep yu yang hpa n ra sa nga jang she, gahtet gatsi shadang sharam ton nna udi mai shakro ai. Udi hta bang ai shaloi udi gaba ai do hpe ntsa de shayon na, ndai bo u hpe go laban bat mi hta udi hpung lahkong mai shakro ai, udi hpe shana de hkying hkum 4~5 daram hta shakro yang grau hkrak ai. Udi shakro ton ai laman hta shakro jak a gahtet gatsi shadang hte bam shadang ni jep yu yu rai ra ai, la-ma nau tso mat shing n rai nau nyem mat jang lawan sharai dat ra sai, udi shakro ton ai laman hta udi hpe 3 lang htong yu nna di lang lawan wan lata kau na. Udi shakro ton sai ko nna go hkying hkum 2 a chyen hte hkying hkum 3 daram rai jang udi hpe yat yat sha di galang mi gale dat dat rai na, ndai laman hta udi hpe n gale ya jang di lang chye tai mat nga ai. Udi shakro jak na gahtet gatsi shadang nau tso mat jang udi shakro shara na chyinghka hpo kau nna gahtet gatsi shadang shanyem kau na, yi-nam lado gahtet sa-up ai ten hta uhkai shakro yang shakro jak chyinghka hpo dat nna udi hpe loi shakop dat ra ai. Udi shakro da ai 18~19 ya daram a hpang udi galang bai htong yu nna uhkai kro pru hpan de hta bang dat ra sai, dai hpang ko nna udi hpe n mai sa shamot sai. (Bai matut hti ga) (Gale ai: Zinghtung Ma Sam)