Hpungtang hpaji ginra景颇科普

Ningtuk rai hte tsan gang ,sak sumri hpe tsora,kyet shop ai hte ningtuk rai shamyit majan shalom

禁防艾滋

时间:2018-01-12 15:57:22 来源:德宏团结报

  1. Ganing rai yang she ningtuk rai hte tsan gang lu na

  (1) Ningtuk rai pat hpaji sharin, ndai “Matsing mali”galo du na: Nhpa hpe ningtuk rai nga ma ta. Ningtuk lusha yang ayin aloi sha kap chye ai, don yak ai. Ningtuk rai go madu, masha, nta hte mungdan hpe jahten ai. Ningtuk rai lusha ai go ubadi nhtan shai ai, ningtuk rai dut ai go mara shut ai hpe matsing shaja ra ai.

  (2) Prat tup ningtuk rai hpe n mai lusha chyam ai.

  (3) ruyak jamjau hkrum yang ningtuk rai hte myit n mai shalan la ai.

  (4) Sanseng hkamja ai hku nga pra ra ai lam galoi mung hkan galo du na.

  (5) Sadi sahka let mano manang ganon na. (6) Masa n htuk ai pyo chyai shara hte tsan gang na.

  2. Nta masha ni ningtuk rai hte hkra na hpe ganing di htang maja na

  (1) Alum ala re guipyo chyoipra ai dinghku de na.

  (2) Ma gasha ni a hkumhkrang myit masin hkam gaja lam hpe myit du ya na.

  (3) Ningtuk rai don hpaji sharin la, prat tup ningtuk rai nga ai dinghku de sha na.

  (4) Nta masha ningnan do ningtuk rai lusha wa ai hpe ganing di chye la lu na. A—Nga pra ai lam shai mat. B—Nga pra lai len alak rai lai mat. C—Matu n mu ai ja gumhpro lang shalo. D—Hkumhkrang hkamja madang adan sha. E—Hkumhkrang hta ana masa ni pru wa. F—Shanhte a makau, nga shara ni hta ningtuk rai shing n rai ningtuk rai lusha hking rai ni mu hkrup. G—Ganon manang tam shingwang lai wa. H—Galang lang shanhte ningtuk ayin bu ai hpe mu hkrup.

  3. Jong ko nna jongma ni ning⁃ tuk rai lusha na hpe ganing di htang maja na

  (1) Kyet shop ai hte jong gaji hte lapran tsang jongma ni a ningtuk rai htang maja laksan hpaji sharin hkrat wa na.

  (2) Jongma ni ningtuk rai pat shamu shamot hta lom na matu woi ginron, n-gun jo, sharin matsun na.

  4. Ningtuk rai lusha masha ni madu ko nna ningtuk rai don ra ai

  (1) Madu ko nna ningtuk yin don tsi lajang ai hpe hkam la na.

  (2) Ningtuk rai a jahten shaza lam hpe sungchyung ai hku chye chyang ra ai.

  (3) Ningtuk don myit da-ting la ra ai.

  (4) Lai sai ten na ningtuk gajam shara hte tsan gang hkat mat na.

  (5) Hpong shingra hta masha ni e yu gaji kau ya ai hpe gaja ai hku htai la chye na.