Hpungtang hpaji ginra景颇科普

U htoi rem ladat

养黄鸡方法

时间:2018-01-12 10:51:06 来源:德宏团结报

  U shakap rep di kau ya na lam. 7~10 ya daram re uhkai hpe ntsa shakap 1/2 daram rep di kau ya nna lawu shakap hpe 1/3 daram rep di kau ya ra ai, shingrai ntsa shakap hpe lawu shakap hte loi gadun na hku rep di kau ya na. Uhkai ten hta go ushat shani tuptup bang ton ya ra ai, hka mung asan aseng re galai bang ton da ya ya rai ra ai. Shing rai shani shanang uhkai ni a shamu shamot lam, ushat sha hka lu ai lam, uhkyi re ni hpe jep maram yu ra ai hta n-ga, ka matsing ton ra ai lam ni mung atsom ka matsing da ra ai.

  Ana byin ai mu jep shapro jang, u hpung ni hte lawan jahka kau shing n rai u hpung ko nna rim lata kau na.

  Laban 6 daram re uhkai gasha ni hpe go uram rong ai ulong de htot nna uram ni hpe yo ai bo ushat mai yo sai, uram ten hta hkrang nsam tsom nna namnak shadon shadang ko du na hku yo shapro ra ai. Uram ten hta laban bat shagu ushat garai n yo yang 3% ~5% daram hpe rim shen yu nna namnak shadon shadang hte shabung yu yu rai ra ai.

  La-ma namnak shadon shadang hta grau tso mat jang hpang na laban ushat loi sharam yo ra sai, ushat sharam yo na matu gaja shadang hte lo shadang hpe sharam kau ra ai, lo shadang sharam kau na ladat go grai lo ai. Ga shadon: Lani mi hta ushat galang sha yo na, shing n rai lani mi din nna yo na, u nau n lo jang go lani mi hta galang sha yo ai bo ladat hte mai sharam yo ai, u nau lo jang go lani mi din nna yo ai bo ladat hte mai sharam yo ai.

  La-ma namnak shadon shadang hta grau nyem mat jang go ushat loi lo hkra bai yo ra sai. Ula hte uyi go ushat sha shadang n bung ai majo gaba shadang mung n bung nga ai, shing rai gaga ga di rem ra ai. Bai nna u hpung mi sha raitim, gaba shadang n bung hkat ai majo, namnak li ai hte n li ai, kugn ai hte n kung ai di ginhka rem ra ai, dai hta lai nna ulong langai mi ko gade daram rong rem na lam mung nong e sharai la ra ai, shaloi she u gasha ni maren mara rai gaba wa lu ai.

  (Gale ai: Zinghtung Ma Sam) (Ya na lang bai matut hti ga)