Hpungtang hpaji ginra景颇科普

Lusha ndai ni tsi tai ai, sha na hkum malap!

这些零食也是药,经常吃吃有神效

时间:2018-01-12 10:49:20

  1. Ga lasi Asung:Lawan ai hku sai jat la lu nga ai. Ga lasi hta go hpri jahkai song song rong nna, lasui gata na sai galo n-gun sha⁃ jat ya lu ai majo, sai jat tsi gaba lo lo ni hta go ga lasi bang lom nga ai.

  2. Nga chyu hkri Asung: Hkum de jahten hkra wa ai ana ganu hpe ningdip ya lu ai. Nga chyu hkri ko na Ruson-gyin go, pu⁃ kan gata na gaja ai ana ganu ni hpe bung ra shangun lu nna, n gaja ai ana ganu ni pu gata de shanyen shang wa na hpe lu shingdang kau ya nga ai.

  3. Panglai makrat Asung: Hpum shagrit ningtuk sho ai. Panglai makrat hta go hkyenwuisu song wa rong nna, pukan shamu shamot ai lam shadut dat ya lu, pukan shakum hkan kap nga ai ning⁃ tuk maza hpe jasan jaseng kau ya nhtom, ala⁃ wan bai htok shapro kau dat ya lu nga ai. Dai hta n-ga, Panglai makrat go kara tu lawan shangun kara makop ya, kara hpe grau nna tu ngang tsom shangun re ayu mung no rong nga ai.

  4. Nbusi Asung: Yup pyo shangun lu ai. Nbusi go masha hpe yup pyo shangun nna mats⁃ ing n-gun shaja ya re hta n-ga, ginsa ana mung no htang maja ya lu nga ai. Ga shadon, pusang, shatkan, ladi, yuhkro, sinwop, gyajongsen, linpa re hkan na among ana ni hpe ningdip kau ya lu nga ai.

  5. Hpa-lap tsit Asung: Yu n-ngun shaja ya lu ai. Nong e hpa tsit lu yang go myi greng wa ai sha n-ga, hkum machyit aron gaya ai mung jasim ya lu nga ai.

  6. Sabyi si chyahkro Asung: Kyip ginsa htang maja lu ai. Sabyi si chyahkro a dat n-gun go sabyi gatsing na hta grau grung nga ai, lani mi magra mi dang sha yang sai yom ai ni sai jat la lu nga ai. Bai sabyi si chyahkro go hkum shan ginsa ginnyung wa na hpe lu htang kau ya rai nna, lago lata lagyi ai shalum ya lu, nshang tsu hkum tsu machyi ai lu jasim ya nga ai.

  7. Lanmui si Asung: Matsing n-gun shaja ya lu ai. Lanmui si go matsing n-gun shaja ya lu nna, shi gata na dat n-gun go, bonu ginsa wa na hpe htang maja ya, myi shagreng ya, salum jahkam shaja ya, sailam shakya ya, masha a hkum na ana htang n-gun ni shaja ya re ai akyu rong nga ai.

  9. Hkai sin ko si Asung: Sai lam ja wa na hpe htang maja lu ai. Myit pu myit yak ai lam n lu shalan la jang go, myit ana lu wa nna, hpa mung n sharong mat chye nga ai. Hkaisin ko si sha yang go myit pyo wa, myit shanu la lu rai nga ai. Dai hta n-ga, nong e lu sha nga yang go sai gumchya wa ai hpe sadi kau lu nna, sailam gaba ja wa na htang maja kau lu nga ai. 8. Tsa hkye Asung: Sade makop maga ya lu ai. Tsa hkye loi lu yang go, sai gahkrang tsom shangun lu nga ai. Dai hta n-ga, ramdo sha lu yang go jit ko na danbe shadang shagrit kau ya rai nhtom, sade n-gun makop maga ya lu nga ai.

  10. Sin rin si chyahkro Asung: Sai shanyem ya lu nga ai. Sin rin si chyahkro na gya go wa-dep lan⁃ gu si hta htam 3 rong jan nga ai, bai gya go sai shanyem ai akyu mung no rong nga ai. Ameriga mung ana ahkya tek gon daju ni a jep sumru langai hta tsun ai, gya hpe na hta grau lo nna sha shalo bang la jang go, sai tso ana hte salum ana htang maja kau lu sai.

  (Gale ai Nhkum Bok)