Hpungtang hpaji ginra景颇科普

Shanzin hpan wa yo shapro ladat

养好肥猪方法

时间:2018-01-02 16:43:56 来源:德宏团结报

  (Shata 12 nhtoi 27 ya na do)

  Shanzin hpan wa gaba wa na htung lai chye ton nna namnak jat ya na. Wa yo ai go grau gadun ai ten laman hta arang nau n dat bang ra ai lu yo jahpum la nna lawan lu dut sha na matu re. Wa hpe lawu na lam 4 hku nna yo gaba la na: 1. Wa yo jahpum ladat hte atsom yo lajang jang she wa grai hpum tsom ai. Wa gasha ni chyu jahka ai ko nna go wa-shat grai chye sha wa sai, dai ko nna namnak li jat wa magang wa-shat nau n lu sha mat wa sai, namnak kungkyin 50~60 daram du jang shani shanang namnak li jat wa magang rai sai. Shata 6~8 daram a hpang ko nna go nau n lu gaba sai, dai majo hpum ai bo wa hpe go shata 6 a shong hkan rim dut kau ra sai. 2. Yo jahpum ladat lang na. Wa gasha ni chyu jahka ai ko nna lu dut sha na ndai aten laman hta go wa hpum gaba wa na matu akyu namshum su ai bo wa-shat lo yo ra sai, ndai bo ladat go aten grai gadun ai laman hta namnak grai li jat lawan nga ai. Ndai hku yo na rai jang wa-shat shong gayau jahtuk la ra ai, wa gasha kungkyin 60 daram du jang ndai bo ladat hku nna mai yo jahpum la sai. Shong nnan do go gaba lawan ai majo, di hpro dat lo rong ai bo hpuiho silau yo ra ai, hpang hkan go wa langai mi hpe hpuiho silau kungkyin 2.2~2.4 daram gayau bang yo jang rai sai, lani mi hta wa-shat 3~4 lang bang yo ra ai. 3. Wa-long hte wa-long makau graup-yin na htingwan sharai jahtuk ya nna, gahtet gatsi shadang laman 18~21 daram hta sharam ton ya ra ai, yi-nam lado hta gahtet gatsi shadang laman 30 a lahta de rai mat jang wa ni wa-shat atsom n lusha nna nau n lu gaba ai, ndai aten hta wa-long na chyinghka hkalap ni asan awan hpo kau nhtom, nbung gatsi jashon bang dat nna gahtet gatsi shadang shanyem kau ra ai. Nshung lado gahtet gatsi shadang laman 10 a lawu de rai mat jang wa ni wa-shat grai lu sha nga ai, raitim nau gashung ai majo nau n lu gaba ai, dai majo nshung lado hta wa-long ko loi lum na hku galo ton ya ra ai. Wa-long gok mi hta wa ganu gade rong na go wa-long gaji gaba hta hkan nna ramdo hku rong rem ra ai, nau rong shalo kau jang wa-shat atsom n mu sha nna gaba yak ai. Lani mi hta wa-long na sanseng lam lahkong lang galo ra ai. 4. Aten yu nna wa dut kau ra ai. Gara aten hta dut na go wa-shan a gaja shadang hte namnak li shadang hte grai seng hkat ai hta n-ga, ja gumhpro shang lam hta mung grai wa-hkye hkra nga ai, dai majo gara aten hta wa dut yang grau mai na ngu ai go, wa gaba lawan ai shadang hte wa-shat sha ai shadang, shanzin rong shadang, gatya manu re ni hpe yu ra ai. Mayu e go shata 6 daram yo jang dut kau ra sai, dai ko nna wa nli n bung jang mung wa gaba wa ai masa ko no yu ra ai. Gumhpon nna tsun ga nga yang, maigan de nna jashon la ai wa nli hpe go kungkyin 95~ 105 daram rong jang mai dut kau sai. Anhte mungdan na wa nli gaja hte maigan na wa nli gaja hpe jahpre la ai go kungkyin 87.5~ 95 daram rong jang mai dut kau sai.

  (Ngut sai) (Gale ai: Zinghtung Ma Sam)